Sigríður Þorsteinsdóttir (Presthúsum)
Sigríður Þorsteinsdóttir húsfreyja í Presthúsum fæddist 21. mars 1845 og lést 18. október 1907.
Faðir hennar var Þorsteinn bóndi víða, en í Drangshlíð undir Eyjafjöllum 1845, f. 17. september 1810, d. 27. september 1898, Jónsson bónda í Miðbæli þar, f. 21. janúar 1787, d. 2. janúar 1871, Björnssonar bónda á Miðbæli, f. 1755, d. 6. apríl 1793, Árnasonar, og konu Björns, Sigríðar húsfreyju, f. 1754, d. 29. apríl 1822, Stefánsdóttur.
Móðir Þorsteins í Drangshlíð og kona Jóns í Miðbæli var Margrét húsfreyja, f. 18. september 1787, d. 25. október 1817, Þorkelsdóttir bónda í Steinum undir Eyjafjöllum, f. 1743, d. 16. maí 1788, Þorsteinssonar, og konu Þorkels í Steinum Guðríðar húsfreyju, skírð 4. maí 1749, d. 26. júní 1824, Brandsdóttur.
Móðir Sigríðar og kona Þorsteins var (5. júlí 1835) Ingveldur húsfreyja, f. 30. júní 1807, d. 21. október 1887, Þorsteinsdóttir bónda á Brekkum í Holtum, f. 1778, d. 9. júlí 1825, Jónssonar bónda á Brekkum, f. 1748, d. 22. febrúar 1819, Filippussonar, og konu Jóns Filippussonar, Ingveldar húsfreyju, f. 1748, d. 20. febrúar 1833, Þorsteinsdóttur.
Móðir Ingveldar í Drangshlíð og kona Þorsteins á Brekkum var Margrét húsfreyja, f. 1767, d. 8. mars 1845, Runólfsdóttir bónda í Sandgerði, f. 1740, d. 21. ágúst 1787, Runólfssonar, og konu Runólfs, Margrétar húsfreyju, f. 1740, d. 19. júní 1821, Guðnadóttur.
Sigríður var systir Bjarna Þorsteinssonar í Gvendarhúsi.
Sigríður var með foreldrum sínum í Drangshlíð 1845, matvinnungur á Raufarfelli 1860.
Hún fluttist til Eyja 1869, vinnukona, að Ofanleiti.
Þau Magnús Vigfússon voru ógift vinnufólk í Dölum 1880, húsmennskufólk á Vilborgarstöðum 1881 og 1882. Þau voru komin að Presthúsum 1883 og voru þar enn 1895.
Hún var 55 ára, skráð giftur niðursetningur í Stóra-Gerði hjá Guðlaugi og Margréti 1901 og þar var Magnús Vigfússon skráður leigjandi.
Þau voru í Landlyst 1907 við andlát Sigríðar.
Maður Sigríðar, (5. júní 1881), var Magnús Vigfússon sjómaður, f. 1. október 1854, dáinn 13. ágúst 1926.
Börn Sigríðar og Magnúsar voru:
1. Guðrún Helga, f. 1878. Hún fór til Vesturheims.
2. Vilhjálmur Einar, f. 6. september 1887, d. 25. september 1953.
3. Jórunn Ingileif, f. 10. október 1883, d. 14. júlí 1962, gift Guðmundi í Ey Guðmundssyni, f. 6. júlí 1864, d. 24. nóvember 1928.
4. Guðmundur á Löndum, f. 15. september 1880, d. 19. mars 1952 í Reykjavík.
Heimildir
- Samantekt: Víglundur Þór Þorsteinsson.
- Árni Árnason.
- Íslendingabók.is.
- Holtamannabók I – Holtahreppur. Valgeir Sigurðsson og fleiri. Ritstjórn: Ragnar Böðvarsson. Rangárþing ytra, Hellu 2006.
- Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.