Guðrún Jónsdóttir (Löndum)
Guðrún Jónsdóttir húsfreyja á Löndum fæddist 1829 í Holtssókn u. Eyjafjöllum og lést 29. apríl 1873 á Löndum.
Faðir hennar var Jón bóndi á Hrútafelli og Helgusöndum u. Eyjafjöllum, f. 1801 í Breiðavíkursókn, d. 17. nóvember 1859, Brynjólfsson.
Móðir Guðrúnar var Þóra húsfreyja, f. 1799, d. 4. mars 1864, Jónsdóttir bónda í Steinum og á Hrútafelli, f. 1769 í Pétursey í Mýrdal, d. 30. apríl 1834 á Hrútafelli, Eiríkssonar bónda, líklega á Leirum u. Eyjafjöllum, f. 1736, Jónssonar og konu Eiríks á Leirum, Katrínar húsfreyju, f. 1725, d. 19. janúar 1805, Jónsdóttur.
Guðrún var systir
1. Sigríðar Jónsdóttur bústýru, f. 20. apríl 1828, d. 6. mars 1900.
2. Ísaks Jakobs Jónssonar bónda í Norðurgarði, f. 20. janúar 1833, d. 9. apríl 1899.
3. Þuríðar Jónsdóttur vinnukonu, f. 13. desember 1833.
4. Katrínar Jónsdóttur vinnukonu í Vanangri, f. 1847, d. 9. maí 1869.
Guðrún var á Hrútafelli 1835.
Hún fluttist úr Dalssókn u. Eyjafjöllum að Kirkjubæ 1843 og var þar 17 ára vinnukona 1845, á Oddsstöðum 1848, Gjábakka 1849 og 1850.
Guðrún var vinnukona í Frydendal 1857, er hún eignaðist Halldór. Þau Eyjólfur giftust 1858, hann þá búandi á Löndum og hún bústýra hans.
Hún lést 1873.
I. Maður Guðrúnar, (20. nóvember 1858), var Eyjólfur Jónsson tómthúsmaður, sjávarbóndi á Löndum, f. 29. september 1832, d. 2. ágúst 1914.
Börn þeirra voru:
1. Halldór Eyjólfsson, f. 4. febrúar 1857, d. 7. febrúar 1857, „gat ei lifað sökum vanskapnaðar“.
2. Sigríður Eyjólfsdóttir, f. 8. ágúst 1859, d. 4. október 1859 „af barnaveiki“.
3. Jóhanna Sigríður Eyjólfsdóttir, f. 26. október 1862, d. 24. júlí 1917. Hún bjó á Seyðisfirði.
4. Þóra Eyjólfsdóttir, f. 11. febrúar 1865, d. 1. janúar 1936. Hún var húsfreyja í Keflavík.
Heimildir
- Samantekt: Víglundur Þór Þorsteinsson.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.