Ástríður Sveinsdóttir (Kirkjubæ)
Ástríður Sveinsdóttir húsfreyja á Kirkjubæ fæddist 1800 í Breiðabólsstaðarsókn í Fljótshlíð og lést 4. nóvember 1863.
Foreldrar hennar voru Sveinn Þórarinsson bóndi á Efra-Hvoli og í Markarskarði í Hvolhreppi, f. 8. júlí 1759, d. 5. nóvember 1820 og fyrri kona hans Svanhildur Hansdóttir húsfreyja, f. 1761, d. 25. júlí 1814.
Systir Ástríðar var Ragnhildur Sveinsdóttir vinnukona í Gerði, f. 1791.
Ástríður var með foreldrum sínum í Markarskarði 1801, með föður sínum og síðari konu hans, Sigríði Brandsdóttur þar 1816, var vinnukona á Strönd á Rangárvöllum 1835, á Langekru þar 1840.
Hún kom að Búastöðum 1843 með Helgu Ingimundardóttur dóttur sína tveggja ára, var gift vinnukona með Ingimundi og Helgu á Búastöðum 1843 og 1844, án Helgu þar 1845, en hún var þá fósturbarn á Kirkjubæ hjá Ingveldi Guðmundsdóttur og Filippusi Snorrasyni, og enn voru þau á Búastöðum 1850, en 1851 voru þau komin í húsmennsku á Kirkjubæ og voru þar 1851-1860, en þá varð Ástríður gift vinnukona í Ólafshúsum, en Ingimundur var á Kirkjubæ.
Ástríður var þjónandi á Kirkjubæ 1861, ekkja þar 1862.
Hún lést 1863.
Maður Ástríðar var Ingimundur Skúlason tómthúsmaður á Kirkjubæ, f. 13. mars 1816, d. 4. júní 1862.
Börn þeirra hér:
1. Helga Ingimundardóttir, f. 9. nóvember 1841 í Vatnsdalskoti í Fljótshlíð, d. 14. júlí 1871.
2. Jóhann Ingimundarson, f. 4. mars 1844 á Búastöðum, d. 14. mars 1844 úr ginklofa.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.