Halldóra Jónsdóttir (Steinsstöðum)
Halldóra Jónssdóttir vinnukona á Oddsstöðum, síðar húsfreyja á Steinsstöðum fæddist 10. október 1819 á Söndum í Meðallandi og lést 24. mars 1883 í Þorlaugargerði.
Foreldrar hennar voru Jón Þórðarson bóndi í Bakkakoti og á Syðri-Steinsmýri í Meðallandi og grashúsmaður á Söndum þar og síðan vinnumaður, f. 1782, og kona hans Guðrún Eyjólfsdóttir húsfreyja á Söndum, f. 1793, d. 24. ágúst 1834.
Halldóra var með foreldrum sínum á Söndum til ársins 1828. Hún var tökubarn á Hólmi 1828-1831, léttakind í Lágu-Kotey í Meðallandi 1831-1832/3, var aftur hjá foreldrum sínum á Söndum 1832/3-1835.
Hún var vinnukona á Skaftárdal í Skaftártungu 1835-1836.
Hún kom til Vestmannaeyja 1841 og fór að Oddsstöðum, var vinnukona á Miðhúsum 1849.
Halldóra átti 4 börn börn með jafnmörgum mönnum á árunum 1841-1849 og það fimmta í ekkjustandi sínu 1863.
Hún varð síðari kona Sigurðar Vigfússonar á Steinsstöðum 1850 og átti með honum tvö börn. Annað þeirra dó tveggja vikna gamalt, hitt var Margrét, síðar húsfreyja í Dölum.
Sigurður lést 1857.
Halldóra bjó á Löndum 1860 án sérstakrar atvinnu.
Hún var vinnukona í Görðum við Kirkjubæ 1870, niðursetningur í Þorlaugargerði 1880.
Hún lést þar 1883.
I. Barnsfaðir Halldóru var Jón Gíslason vinnumaður.
Barn þeirra var
1. Jóhanna Jónsdóttir, f. 18. september 1841, d. 29. september 1841 úr ginklofa.
II. Barnsfaðir hennar var Lars Tranberg skipstjóri.
Barn þeirra var
2. Guðrún Larsdóttir, f. 23. maí 1843 í Tómthúsi, d. 22. ágúst 1843 úr ginklofa.
III. Barnsfaðir hennar var Samúel Bjarnason mormóni.
Barnið var
3. Halldóra Samúelsdóttir, f. 19. september 1844.
Hún fór til Vesturheims 1870 með dóttur sína Jóhönnu Jensdóttur á fyrsta ári.
IV. Barnsfaðir hennar var Sigurður Jónsson á Ofanleiti.
Barnið var
4. Jóhanna Sigurðardóttir, f. 25. febrúar 1849, d. 6. mars 1849 „af barnaveikleika“.
V. Barnsfaðir var Guðmundur Eiríksson í Smiðjunni, f. 1813, þá ekkill. „Hennar 5. brot“, „hans 3. brot“.
Halldóra var þá ekkja.
Barnið var
5. Andvana fætt stúlkubarn 25. október 1863.
VI. Maður Halldóru, (3. október 1849), var Sigurður Vigfússon bóndi á Steinsstöðum, f. 31. maí 1791, d. 15. apríl 1857.
Börn Halldóru og Sigurðar voru:
6. Sigurður Sigurðsson, f. 16. mars 1850, d. 29. mars 1850 „af Barnaveikinni“.
7. Guðbjörg Sigurðardóttir, f. 4. maí 1852, d. 12. maí 1852 „af Barnaveikleika“.
8. Guðrún Sigurðardóttir, f. 5. september 1853, d. 10. september úr ginklofa „eftir sögu“.
9. Margrét Sigurðardóttir húsfreyja í Dölum, f. 28. júní 1855, d. 23. desember 1893.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
- Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.
- Vestur-Skaftfellingar 1703-1966. Björn Magnússon. Leiftur 1970-1973.
Þessi grein tilheyrir Æviskrám Eyjafólks eftir Víglund Þór Þorsteinsson.