Helga Sigurðardóttir (Arnarholti)
Helga Sigurðardóttir frá Arnarholti, húsfreyja í Eyjum fæddist 17. júní 1907 í Arnarholti í Stafholtstungum í Borgarfirði og lést 12. júlí 1931 í Eyjum.
Foreldrar hennar voru Sigurður Sigurðsson lyfsali og skáld, f. 15. september 1879 í Kaupmannahöfn, d. 4. ágúst 1939 í Reykjavík, og kona hans Anna Guðrún Pálsdóttir húsfreyja, píanóleikari, f. 16. ágúst 1882 í Gaulverjabæ í Flóa, d. 24. september 1959 í Hafnarfirði.
Sr. Oddgeir Þórðarson Guðmundsen að Ofanleiti var ömmubróðir Helgu.
Helga var með foreldrum sínum og fluttist með þeim til Eyja 1913.
Hún eignaðist Dóru 1925, gaf ekki upp föður hennar.
Hún giftist Steindóri 1929 og eignaðist Sigurð með honum á því ári.
Hún lést 1931.
I. Barnsfaðir ókunnur:
1. Dóra Sigurðar húsfreyja, ræstingastjóri, f. 12. nóvember 1925. Hún bjó í Ohio í Bandaríkjunum. Maður hennar var Wilbur Fulton jarðýtustjóri, f. 13. september 1919.
II. Maður Helgu, (5. október 1929), var Páll Steindór Sigurðsson prentari, rithöfundur, ritstjóri, f. 30. nóvember 1901 í Kýrholti í Viðvíkursveit í Skagafirði, d. 21. janúar 1949 á Kristneshæli.
Barn þeirra:
2. Sigurður Sigurðsson skósmíðameistari í Hafnarfirði, f. 17. desember 1930, d. 19. júlí 1999. Kona hans: Guðbjörg Kristjánsdóttir sjúkraliði, f. 27. júní 1933 á Siglufirði.
Heimildir
- Samantekt: Víglundur Þór Þorsteinsson.
- Íslendingabók.is.
- Knudsensætt 1-2. Ritstjóri Þorsteinn Jónsson. Sögusteinn 1986.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.