Lárus J. Johnsen
Kristinnn Lárus Jóhannsson Johnsen útgerðarmaður, kaupmaður, visikonsúll fæddist 31. desember 1884 í Frydendal og lést 15. október 1930.
Foreldrar hans voru Jóhann Jörgen Johnsen, f. 6. október 1847, d. 11. maí 1893 og k.h. Anna Sigríður Árnadóttir, f. 6. júní 1855, d. 20. ágúst 1930.
Lárus nam verslunarfræði í Kaupmannahöfn 1905-1908.
Hann stundaði verslunarstörf og síðar kaupmennsku og útgerð í Eyjum, kenndi tungumál og var réttartúlkur og skjalaþýðandi. Einnig var hann hollenskur visikonsúll.
Póstafgreiðslu hafði Lárus með höndum á vegum Gísla bróður síns, en við því tók sérstakur póstmeistari, Ólafur Helgi Jensson.
Lárus bjó hjá móður sinni í Frydendal 1910, á Sólvangi 1920.
Þau Halldóra giftu sig 1922, eignuðust tvö börn. Þau bjuggu í fyrstu í Reykjavík, síðan í Ásbyrgi og á Heiði, fluttu til Reykjavíkur.
Lárus lést 1930 og Halldóra 1958.
I. Barnsmóðir Lárusar var Jóna Ingibjörg Jónsdóttir Möller af Austurlandi, þá vinnukona í Frydendal, f. 29. júlí 1890 í Litlu-Vík í Desjamýrarsókn í N.-Múlasýslu, d. 12. júní 1966, d. 12. júní 1966.
Barn þeirra var
1. Anna Sigríður Lárusdóttir Johnsen húsfreyja í Danmörku og á Íslandi, f. 5. maí 1913, d. 13. nóvember 2004. Maður hennar var Paul Christoffersen, danskur maður.
II. Barnsmóðir hans var Guðlaug Oddgeirsdóttir frá Ofanleiti, f. 20. janúar 1885, d. 21. desember 1966.
Barn þeirra var
2. Haukur Lárusson Johnsen verkamaður, f. 17. nóvember 1914, d. 17. maí 1957.
III. Kona Lárusar, (12. október 1922), var Halldóra Þórðardóttir húsfreyja í Reykjavík og Eyjum, f. 4. október 1892, d. 21. febrúar 1958. Hún gekk undir nafninu Dóra Johnsen. Foreldrar hennar voru Þórður Guðmundsson frá Hóli í Rvk, bæjarfulltrúi, f. 3. október 1850, d. 3. apríl 1908, og Sigríður Hansdóttir Biering, f. 1. nóvember 1849, d. 8. maí 1938.
Börn þeirra voru:
3. Lárus Johnsen kennari, skrifstofumaður, skákmeistari, f. 12. september 1923 í Reykjavík, d. 26. ágúst 2006,
4. Sif Áslaug Johnsen húsfreyja í Reykjavík, f. 25. ágúst 1926 í Ásbyrgi, d. 12. maí 2006.
Heimildir
- Samantekt: Víglundur Þór Þorsteinsson.
- Íslendingabók.is.
- Prestþjónustubækur.
- Saga Vestmannaeyja. Sigfús M. Johnsen. Ísafoldarprentsmiðja h.f. 1946.
- Ættir Austfirðinga. Einar Jónsson og fleiri. Austfirðingafélagið í Reykjavík 1953-1968.
Þessi grein tilheyrir Æviskrám Eyjafólks eftir Víglund Þór Þorsteinsson.