„Ingimundur Einarsson (Ömpuhjalli)“: Munur á milli breytinga
(Ný síða: '''Ingimundur Einarsson''' fyrirvinna, sjómaður, fæddist 1. október 1829 á Uppsölum í Landbroti og drukknaði 6. mars 1852.<br> Foreldrar hans voru Einar Eiríksson bóndi ví...) |
m (Verndaði „Ingimundur Einarsson (Ömpuhjalli)“ ([edit=sysop] (ótiltekinn))) |
(Enginn munur)
| |
Útgáfa síðunnar 6. mars 2015 kl. 17:29
Ingimundur Einarsson fyrirvinna, sjómaður, fæddist 1. október 1829 á Uppsölum í Landbroti og drukknaði 6. mars 1852.
Foreldrar hans voru Einar Eiríksson bóndi víða, en síðast á Uppsölum, f. 1768 í Mýrdal, d. 6. september 1846 í Holti á Síðu, og þriðja kona hans Hallný Ingimundardóttir húsfreyja, f. 28. apríl 1794 í Ásgarði í Landbroti, d. 12. janúar 1883 í Hörgsdal á Síðu.
Ingimundur var með foreldrum sínum til 1835, var síðan niðursetningur víða, síðast á Núpstað í Fljótshverfi 1841-1845.
Hann fluttist til Eyja 16 ára gamall 1845 og var vinnumaður á Kirkjubæ hjá ekkjunni Guðrúnu Ormsdóttur 1845-1847, vinnumaður hjá Guðnýju Erasmusdóttur ekkju í Ömpuhjalli 1848-1850, fyrirvinna hennar 1851 og 1852.
Hann fórst 1852 með Þórarni Hafliðasyni mormónapresti og tveim öðrum í veiðiför.
Þeir sem fórust voru:
1. Þórarinn Hafliðason formaður, f. 1. október 1825.
2. Ingimundur Einarsson fyrirvinna í Ömpuhjalli.
3. Ísleifur Pálsson trésmíðanemi í Landlyst, f. 16. apríl 1829.
4. Kolbeinn Ófeigsson trésmíðanemi í Landlyst, f. 28. janúar 1827, d. 6. mars 1852.
Ingimundur var ókvæntur og barnlaus í Eyjum.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Saga Vestmannaeyja. Sigfús M. Johnsen. Ísafoldarprentsmiðja h.f. 1946.
- Vestur-Skaftfellingar 1703-1966. Björn Magnússon. Leiftur 1970-1973.