Lilja Guðsteinsdóttir (Reynifelli)

Guðrún Lilja Guðsteinsdóttir.

Guðrún Lilja Guðsteinsdóttir frá Reynifelli við Vesturveg 15b, húsfreyja, sérkennari fæddist þar 24. desember 1937 og lést 2. apríl 2010 á heimili sínu í LaProte í Indiana í Bandaríkjunum.
Foreldrar hennar voru Guðsteinn Ingvar Þorbjörnsson sjómaður, vélstjóri, skipstjóri, f. 8. október 1886 í Helgahjalli, d. 14. febrúar 1995, og kona hans Guðrún Margrét Guðmundsdóttir húsfreyja, ljóðskáld, þýðandi, f. 20. júní 1909 í Reykjavík, d. 7. júlí 2000.

Börn Margrétar og Guðsteins:
1. Svanhvít Kristrós Guðsteinsdóttir, f. 22. maí 1931, d. 8. ágúst 1935.
2. Guðbjörn Reynir Guðsteinsson skólastjóri, f. 10. maí 1933.
3. Margrét Sóley Guðsteinsdóttir hjúkrunarfræðingur, f. 2. október 1934.
4. Svanur Birgir Guðsteinsson kennari, f. 9. júní 1936.
5. Guðrún Lilja Guðsteinsdóttir sérkennari, f. 25. desember 1937.
6. Hreinn Smári Guðsteinsson vélstjóri, f. 12. desember 1939.
7. Eygló Björk Guðsteinsdóttir talmeinafræðingur, f. 2. október 1944.
8. Erna Kristrós Guðsteinsdóttir húsfreyja, f. 24. október 1948.
Fósturdóttir þeirra:
9. Helga Arnþórsdóttir kennari, f. 12. september 1952.

Lilja var með foreldrum sínum.
Hún stundaði nám í Barnaskóla aðventista og Hlíðadalsskóla í Ölfusi, lauk BS-prófi í kennslufræðum og síðan meistaraprófi frá Andrews University í Michigan, Bandaríkjunum. Hún sérhæfði sig í kennslu barna með lestrarerfiðleika.
Lilja kenndi í Barnaskóla Njarðvíkur í mörg ár, starfaði í mörg ár fyrir kirkju sjöunda dags aðventista í Nigeríu og Simbabve. Þau Steinþór stofnuðu Boðunarkirkjuna og Útvarp Boðun. Hún tók upp hundruð þátta og hugvekja og las barnasögur fyrir útvarpið.
Þau Steinþór giftu sig 1956, eignuðust fjögur börn.
Guðrún Lilja lést 2010.

I. Maður Lilju, (1. apríl 1956), er Steinþór Breiðfjörð Þórðarson sóknarprestur aðventista, f. 29. ágúst 1937. Foreldrar hans voru Þórður Elísson, f. 25. febrúar 1906, d. 23. september 2002, og Margrét Jónsdóttir, f. 5. apríl 1907, d. 21. apríl 2001.
Börn þeirra:
1. Þröstur Birkir Steinþórsson Thordarson, f. 10. nóvember 1956. Kona hans Jónína Guðmundsdóttir.
2. Haukur Smári Steinþórsson, f. 11. nóvember 1961. Kona hans Lori Ann Zbaraschuk.
3. Guðsteinn Þór Steinþórsson, f. 10. desember 1963. Kona hans Lori Ann Kendall.
4. Margrét Harpa Steinþórsdóttir, f. 5. desember 1972. Maður hennar Tom Huntress.

---

Heimildir

• Samantekt: Víglundur Þór Þorsteinsson.
• Íslendingabók.
• Morgunblaðið 22. apríl 2010. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---