Eyvindur Árnason (Bifröst)

Eyvindur Árnason.

Eyvindur Árnason frá Bifröst við Bárustíg 11, vélstjóri, iðnrekandi fæddist 17. febrúar 1926 og lést 15. maí 2012 í Sunnuhlíð í Kópavogi.
Foreldrar hans voru Árni Sigurður Böðvarsson rakarameistari, útgerðarmaður, fiskverkandi, f. 28. júní 1890, d. 14. apríl 1975, og kona hans María Vilhelmína Heilmann Eyvindsdóttir Böðvarsson frá Reykjavík, húsfreyja, f. þar 25. febrúar 1901, d. 12. desember 1983.

Börn Maríu og Árna:
1. Fríða Sophia Árnadóttir, f. 19. maí 1921, d. 16. janúar 1932.
2. Erna Böðvars Árnadóttir húsfreyja í Hafnarfirði, f. 15. desember 1922, d. 18. maí 2008. Maður hennar Jón Bjarni Kristinsson.
3. Eyvindur Árnason fiskverkandi, verksmiðjurekandi í Kópavogi, f. 17. febrúar 1926, d. 15. maí 2012. Kona hans Margrét Gestsdóttir.
4. Böðvar Árnason fiskverkandi, verksmiðjurekandi, kaupmaður, f. 19. maí 1927, d. 23. mars 2010. Kona hans Guðmunda Sesselja Gunnarsdóttir.
5. Gunnar Árnason fiskverkandi, verksmiðjurekandi í Kópavogi, f. 11. desember 1928, d. 19. febrúar 2016. Kona hans Stefanía Stefánsdóttir, látin. Sambúðarkona hans Svava Sigmundsdóttir.
6. Gottfred Árnason viðskiptafræðingur, f. 13. desember 1932.

Eyvindur var með foreldrum sínum í æsku, flutti með þeim á Seltjarnarnes 1940.
Hann lærði vélstjórn.
Eyvindur vann við að byggja frystihús, fiskþurrkhús og fiskimjölsverksmiðju ásamt föður sínum og bræðrum í Kópavogi á árinu 1947 og vann þar, en faðir hans seldi eignirnar árið 1956. Árið 1956 stofnuðu Eyvindur og bræður hans Víbró, sem framleiddi hleðslusteina og plasteinangrun. Nokkrum árum síðar réðust þeir í byggingu skrifstofu- og verslunarhúss þar sem nú er Hamraborg í Kópavogi og frystihúsið Frostver við Bátalón í Hafnarfirði.
Við þessi fyrirtæki vann Eyvindur.
Þau Margrét hófu búskap 1948 í Kópavogi, eignuðust fjögur börn. Eftir 28 ár í Kópavogi fluttust þau í Garðabæ og bjuggu þar í 31 ár. Þá fluttu þau í Sunnuhlíð í Kópavogi.

I. Kona Eyvindar, (1948), var Margrét Gestsdóttir húsfreyja, f. 15. júní 1929, d. 19. ágúst 2011. Foreldrar hennar voru Gestur Gíslason Árnason, f. 15. mars 1901, d. 1. apríl 1983, og Kristjana Jóhanna Einarsdóttir, f. 16. apríl 1902, d. 14. febrúar 1996.
Börn þeirra:
1. Árni Eyvindsson, með flugmannspróf, stofnandi Húsaplasts ehf., f. 16. febrúar 1949, d. 8. mars 2018. Fyrrum kona hans Hrafnhildur Rós Smáradóttir. Barnsmóðir Árna Freyja Sverrisdóttir.
2. Páll Eyvindsson yfirflugstjóri, f. 4. júlí 1951, d. 29. maí 2015. Kona hans Helga Ragna Ármannsdóttir.
3. Kristjana Jóhanna Eyvindsdóttir húsfreyja, f. 8. ágúst 1953. Maður hennar Sigurður Hólm Guðbjörnsson.
4. María Wilhelmnína Heilmann Eyvindsdóttir bankastarfsmaður, f. 5. september 1954, d. 20. febrúar 2013. Fyrrum maður hennar Trevor Francis Le Tarouilly.

---

Heimildir

• Samantekt: Víglundur Þór Þorsteinsson.
• Íslendingabók.
• Morgunblaðið 31. maí 2012. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---