Bergur Heiðmar Vilhjálmsson

Bergur Heiðmar Vilhjálmsson.

Bergur Heiðmar Vilhjálmsson frá Heiði á Langanesi, múrari fæddist þar 12. júní 1933 og lést 22. maí 2017.
Foreldrar hans voru Vilhjálmur Björgvin Guðmundsson, skáld og kaupmaður frá Skáholti í Reykjavík, f. þar 29. desember 1907, d. 4. ágúst 1963, og Valgerður Margrét Lárusdóttir frá Heiði, húsfreyja, verkakona á Þórshöfn, f. 25. ágúst 1907, d. 31. mars 1993.
Fósturfaðir Bergs var Snorri Hafsteinn Bergsson verkamaður á Þórshöfn, f. 18. ágúst 1911, d. 18. maí 1994.

Bergur ólst upp á Heiði og Þórshöfn á Langanesi.
Hann lauk námi í múrverki í Kópavogi 1977. Meistari hans var Gísli Hafliðason.
Bergur flutti ungur til Eyja, var sjómaður, fiskiðnaðarmaður og vann við múrverk starfsævi sína.
Hann var heiðraður á Sjómannadaginn fyrir björgunarstörf. Hann bjargaði barni úr Vilpu.
Þau Kristbjörg giftu sig 1960, eignuðust þrjú börn. Þau bjuggu í fyrstu á Kirkjubóli, byggðu húsið við Landagötu 31 og bjuggu þar til goss 1973.
Þau keyptu fokhelt hús við Melaheiði 15 í Kópavogi, innréttuðu og bjuggu þar frá 1974, uns þau fluttu á Hrafnistu í Kópavogi og dvöldu þar síðast.
Bergur lést 2017 og Kristbjörg 2018.

I. Kona Bergs, (6. júní 1960), var Kristbjörg Guðrún Kristjánsdóttir frá Kirkjubóli, húsfreyja, verslunarmaður, talsímakona, f. 31. október 1931 á Þingvöllum, d. 15. mars 2018 á Hrafnistu í Kópavogi.
Börn þeirra:
1. Grétar Þór Bergsson vélvirkjameistari, sölumaður, f. 30. janúar 1960, ókvæntur.
2. Þórir Bergsson viðskiptafræðikennari, íþróttakennari í Kópavogi, f. 6. desember 1963, ókvæntur.
3. Kristín Bergsdóttir hjúkrunarfræðingur, f. 6. september 1970. Sambúðarmaður Einar Baldvin Pálsson.

---

Heimildir

• Samantekt: Víglundur Þór Þorsteinsson.
• Íbúaskrá Vestmannaeyja 1972.
• Íslendingabók.is.
• Morgunblaðið 29. maí 2017. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---