Eiríkur Hjálmarsson (Vegamótum)

Eiríkur og Sigurbjörg.

Eiríkur Hjálmarsson kennari á Vegamótum fæddist 11. ágúst 1829 á Ketilsstöðum í Mýrdal og lést 5. apríl 1931.
Faðir hans var Hjálmar bóndi á Ketilsstöðum í Mýrdal og í Efri-Rotum undir Eyjafjöllum, f. 17. júlí 1829, d. 31. ágúst 1903, Eiríksson bónda á Ketilsstöðum, f. 1795 á Leirum u. Eyjafjöllum, Jónssonar bónda á Hrútafelli þar, f. 1769 í Pétursey í Mýrdal, d. 30. apríl 1834 á Hrútafelli, Eiríkssonar, og konu Jóns á Hrútafelli, Sigríðar húsfreyju, f. 1769 á Raufarfelli þar, Bjarnadóttur.

Móðir Hjálmars á Ketilsstöðum og síðari kona Eiríks bónda þar var Elín húsfreyja, f. 23. júlí 1801 á Brekkum í Mýrdal, d. 6. janúar 1883 á Ketilsstöðum, Sveinsdóttir bónda, síðast í Hryggjum í Álftaveri, f. 1758, d. 20. október 1838 á Skeiðflöt í Mýrdal, Eyjólfssonar, og konu Sveins í Hryggjum, Guðrúnar húsfreyju, f. 1760 í Kálfholti í Holtum, d. 7. júlí 1834 á Skeiðflöt, Þórðardóttur prests í Kálfholti Sveinssonar, og konu sr. Þórðar, Guðfinnu Þorsteinsdóttur, síðar á Felli í Mýrdal.

Móðir Eiríks og fyrri kona Hjálmars á Ketilsstöðum var Guðrún húsfreyja, f. 1823 á Flögu í Skaftártungu, d. 31. ágúst 1860 á Fögruvöllum, Jónsdóttir bónda á Litlu-Heiði í Mýrdal, f. 1797 á Flögu í Skaftártungu, d. 28. nóvember 1847 í snjóflóði, Þorlákssonar bónda á Flögu 1796-1824, síðan vinnumanns og smiðs víða, f. 17. febrúar 1776 á Herjólfsstöðum í Álftaveri, d. 23. september 1839 á Ljótarstöðum í Skaftártungu, Jónssonar, og konu Þorláks, Elínar húsfreyju, f. 1771 á Ytri-Ásum í Skaftártungu, d. 21. september 1844 á Litlu-Heiði í Mýrdal, Loftsdóttur.

Móðir Guðrúnar húsfreyju á Ketilsstöðum og fyrri kona Jóns Þorlákssonar var Þorgerður húsfreyja, f. 1798 á Ytri-Ásum, d. 28. febrúar 1827 á Svartanúpi í Skaftártungu, Bjarnadóttir bónda, síðast á Borgarfelli í Skaftártungu, f. 1755 á Ytra-Hrauni í Landbroti, d. 27. júlí 1821 á Borgarfelli, Gunnsteinssonar, og konu Bjarna á Borgarfelli, Guðrúnar húsfreyju, f. 1754 á Hunkubökkum á Síðu, d. 25. febrúar 1827 á Borgarfelli, Steinsdóttur.

Móðir Eiríks lést, er hann var fjögurra ára. Hann fékk ekki mikla bóklega kennslu framan af en las það sem hann fékk lánað og komst í. Til 25 ára aldurs bjó hann hjá föður sínum og lærði á næsta bæ söðlasmíði. Flutti hann þá í Straumfjörð á Mýrum og fann þar eiginkonu sína. Fluttu þau árið 1885 til Vestmannaeyja. Var hann hér við verslunarstörf á Tanganum. Árið 1890 stofnaði hann sinn eigin barnaskóla og rak hann í fimm ár, eða þar til hann var ráðinn við Barnaskóla Vestmannaeyja þegar deildum við skólann var fjölgað 1895. Hann kenndi mest megnis yngri deildinni og hélt góðum aga jafnframt því að vera ljúfur. Hann lauk störfum sínum við skólann 1928.
Eiríkur lést 1931 og Sigurbjörg 1946.

Kona Eiríks hét Sigurbjörg R. Pétursdóttir og giftust þau árið 1888. Keyptu þau tómthúsið Nýja-Kastala. Hann nefndi hús sitt Vegamót og hét það þar til húsið fór undir hraun í gosinu 1973. Þau eignuðust 5 börn.
Börn þeirra voru:
1. Vilhjálmur Eiríksson]], f. 6. júlí 1889, d. 10. mars 1891.
2. Ágúst Vilhjálmur Eiríksson verslunarmaður, f. 1. febrúar 1893, d. 26. janúar 1927.
3. Haraldur Eiríksson rafvirkjameistari, kaupmaður, f. 21. júní 1896, d. 7. apríl 1986.
4. Hjálmar Eiríksson verslunarstjóri, f. 25. janúar 1900, d. 18. ágúst 1940.
5. Anna Eiríksdóttir húsfreyja á Vegamótum, f. 24. október 1902, d. 4. janúar 1988.

Myndir

• 
• 
• 
• 

---

Heimildir

• Samantekt: Víglundur Þór Þorsteinsson.
• Íslendingabók.
• Manntöl.
• Prestþjónustubækur.
• Vestur-Skaftfellingar 1703-1966. Björn Magnússon. Leiftur 1970-1973.
• Þorsteinn Þ. Víglundsson. Kennaratal frá 1885–1904. Blik. 23. árgangur 1962, bls. 127-130.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---