Bragi Sigjónsson

Bragi Sigjónsson.

Bragi Sigjónsson vélstjóri fæddist 27. júní 1914 á Skaftafelli og lést 25. september 1985.
Foreldrar hans voru Sigjón Halldórsson vélstjóri og trésmiður frá Bakka á Mýrum A-Skaft., f. 31. júlí 1888 , d. 19. apríl 1931 og kona hans Sigrún Runólfsdóttir frá Króki í Flóa, húsfreyja, f. 26. maí 1889, d. 11. ágúst 1991.

Bragi var með foreldrum sínum á Skaftafelli 1914, tökubarn á Haukafelli á Mýrum í A-Skaft. 1920, var með foreldrum sínum i Héðinshöfða 1923 og 1930, var búandi með móður sinni og systkinum í Sjávargötu 1940.
Bragi réri með Guðjóni Tómassyni um skeið, (sjá mynd).
Hann tók hið meira mótorvélstjórapróf í Reykjavík 1944 og bjó síðan í Reykjavík.
Hann var lengi vélstjóri á Fossunum og að síðustu á Herjólfi.

I. Barnsmóðir Braga var Unnur Þórný Þorbjörnsdóttir, síðar húsfreyja á Kirkjubæ, f. 16. maí 1919, d. 10. október 1990.
Barn þeirra er
1. Ingibjörg Bragadóttir frá Kirkjubæ, f. 23. janúar 1941. Maður hennar var Valdimar Sævar Halldórsson skipstjóri, f. 13. apríl 1944, d. 15. febrúar 2014.

II. Barnsmóðir hans var Svanhvít Knútsdóttir, f. 6. janúar 1909, d. 29. júlí 1989.
Barn þeirra var
2. Bragi Valur Bragason sjómaður, f. 6. júlí 1946, d. 16. mars 1977.

III. Kona Braga, (17. október 1959, skildu), var Rósa (Rósamunda) Einarsdóttir frá Seyðisfirði, f. 18. október 1922, d. 5. júní 2005.
Börn þeirra:
3. Helga Bára Bragadóttir skrifstofumaður, f. 21. júní 1959. Maki hennar: Karl Elí Þorgeirsson húsasmíðameistari.
4. Sigurjón Guðmundur Bragason verkamaður, f. 21. júní 1959. Maki, (sambýliskona): Sigrún Einarsdóttir leikskólakennari.
5. Haukur Bragason , f. 6. febrúar 1966. Maki: Guðrún Margrét Birkisdóttir útstillingahönnuður.

Skipshöfn Guðjóns skipstjóra Tómassonar frá Gerði árið 1931.
Aftari röð frá v.: 1. Hjörleifur Gíslason, Langagerði í Hvolhreppi, 2. Stefán frá Vatnshól í Holtum, 3. Bragi Sigjónsson í Sjávargötu í Vm., 4. Haraldur Þorsteinsson, Nikhól í Vm. Fremri röð frá v.: 1. Sveinn Runólfsson, Fjósum í Mýrdal, 2. Guðjón Tómasson, skipstjóri, 3. Erlendur Jónsson, Ólafshúsum í Vm., 4. Jón Guðjónsson, Þorlaugargerði í Vm.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.
• Vélstjóratal 1911-1972. Óskar Ingimarsson. Reykjavík. Vélstjórafélag Íslands 1974.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---