Nikolína Ottadóttir (Hólshúsi)

Nikolína Ottadóttir húsfreyja í Hólshúsi fæddist 12. júní 1832 í Eyjum og lést 21. apríl 1912.
Foreldrar hennar voru Otti Jónsson verslunarmaður og húsmaður í Ottahúsi, f. 2. febrúar 1790, d. 29. desember 1841, og sambýliskona hans Sigríður Nikulásdóttir húskona í Beykishúsi (Ottahúsi), f. 12. nóvember 1788, d. 16. maí 1859.
Nikolína var með móður sinni og föður í Beykishúsi 1840, fór frá Eyjum að Selalæk á Rangárvöllum 1842, var tökubarn hjá Runólfi móðurbróður sínum á Brekkum í Holtum 1845, vinnukona á Brekkum 1850 og 1855, 29 ára vinnukona á Skíðbakka í A-Landeyjum 1860.
Hún giftist Vigfúsi Jónssyni í Hólshúsi 1858 (mt 1910). Hann lést 1867.
Hún var ekkja í Hólshúsi 1870 með börn þeirra, Sigurð 8 ára, Kristínu 9 ára og Dagbjart 5 ára.
Hún var vinnukona á Fögruvöllum 1871 án barnanna.
Við manntal 1880 var hún 47 ára bústýra hjá Ögmundi Jónssyni á Löndum og bústýra hjá honum á Vilborgarstöðum 1890, hjú hjá Önnu Sigríði Árnadóttur í Frydendal 1901 og lausakona á ellistyrk og stundaði tóvinnu á Vesturhúsum 1910.
Nikolína lést 1912.

Maður Nikolínu, (1858), var Vigfús Jónsson tómthúsmaður í Hólshúsi, f. 6. október 1822, d. í apríl 1867.
Börn þeirra hér:
1. Sigríður Vigfúsdóttir húsfreyja í Reykjavík, f. 6. september 1862.
2. Friðrik Vigfússon, f. 4. apríl 1864, d. 14. apríl 1864 úr ginklofa.
3. Dagbjartur Vigfússon, f. 7. september 1865. Hann var vinnumaður í Stóra Gerði 1890, fluttist til Vesturheims og var hermaður í kanadíska hernum í fyrri heimstyrjöldinni.

---

Heimildir

• Samantekt: Víglundur Þór Þorsteinsson.
• Holtamannabók I – Holtahreppur. Valgeir Sigurðsson og fleiri. Ritstjórn: Ragnar Böðvarsson. Rangárþing ytra, Hellu 2006.
• Íslendingabók.is.
• Manntöl.
• Prestþjónustubækur.
• Saga Vestmannaeyja. Sigfús M. Johnsen. Ísafoldarprentsmiðja h.f. 1946.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---