Guðbjörg Daníelsdóttir (Vilborgarstöðum)

Guðbjörg Daníelsdóttir húsfreyja á Vilborgarstöðum fæddist 28. febrúar 1801 á Skúmsstöðum í V-Landeyjum og lést 27. desember 1888.
Foreldrar hennar voru Daníel Bjarnason tómthúsmaður í Saurbæ, f. 1777 í Varmadal á Rangárvöllum, d. 22. apríl 1845 á Vilborgarstöðum og barnsmóðir hans Þuríður Árnadóttir vinnukona á Skúmsstöðum í V-Landeyjum, f. um 1770, d. 25. ágúst 1821.

Háfsystkini Guðbjargar voru
1. Þuríður Daníelsdóttir húsfreyja á Vesturhúsum.
2. Jón Daníelsson vinnumaður í Godthaab.
3. Elín Daníelsdóttir, f. 15. maí 1831, d. 18. maí 1831. Móðir hennar var Elín Guðmundsdóttir í Steinmóðshúsi.
4. Daníel Daníelsson, f. 26. mars 1828, d. 9. apríl 1828. Móðir hans var Vilborg Pétursdóttir, síðar á Löndum.

Guðbjörg var vinnukona á Eystri-Klasbarða í V-Landeyjum 1816, húsfreyja á Vilborgarstöðum 1835, 1845 og 1850, húsfreyja og ekkja þar 1855 með sonum sínum Bergi 19 ára og Ólafi 11 ára.
Við manntal 1860 voru hjá henni synirnir Bergur og Ólafur, vinnukonan Sigþrúður Ormsdóttir, ógift með barnið (sagt „barn hennar“) Elíabetu Bergsdóttur 3 ára og þar var niðursetningurinn Jón Einarsson 4 ára.
Við manntal 1870 var Guðbjörg 70 ára niðursetningur á Gjábakka.

Maður Guðbjargar, (1831), var Magnús Ólafsson sjómaður á Vilborgarstöðum, f. 1801, d. 9. júlí 1851.
Börn þeirra Guðbjargar og Magnúsar hér:
1. Guðríður Magnúsdóttir, 18. júní 1827, d. 25. júní 1827.
2. Rannveig Magnúsdóttir, f. 30. júlí 1828, d. 6. ágúst 1828.
3. Kristín Magnúsdóttir, f. 7. desember 1829, d. 15. desember 1829.
4. Magnús Magnússon, f. 7. maí 1831, d. 16. maí 1831.
5. Guðrún Magnúsdóttir, f. 5. desember 1832, d. 12. desember 1832.
6. Vilborg Magnúsdóttir, f. 8. júlí 1834, d. 15. júlí 1834.
7. Guðfinna Magnúsdóttir, f. 14. nóvember 1835, d. 20. nóvember 1835.
8. Bergur Magnússon sjómaður, f. 1837, hrapaði í Dufþekju 23. ágúst 1866.
9. Ólafur Magnússon formaður og hagyrðingur, f. 15. apríl 1845, d. 4. október 1927.

---

Heimildir

• Samantekt: Víglundur Þór Þorsteinsson.
• Íslendingabók.is.
• Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
• Manntöl.
• Prestþjónustubækur.