Kristín Jónsdóttir (Gjábakka)

Kristín Jónsdóttir húsfreyja á Gjábakka fæddist 1811 á Eystri-Klasabarða í V-Landeyjum og lést 14. október 1883 í Eyjum.
Faðir hennar var Jón bóndi á Eystri-Klasbarða, f. 27. ágúst 1792, d. 6. ágúst 1871, Símonarson bónda á Vestri-Klasbarða og Glæsistöðum í V-Landeyjum, f. 1765, d. 15. febrúar 1840, Einarssonar bónda á Skúmsstöðum í V-Landeyjum, f. 1724, d. 29. apríl 1799, Guðmundssonar, og konu Einars, Ingibjargar húsfreyju, f. 1737, d. 17. ágúst 1817, Guðmundsdóttur.
Móðir Jóns Símonarsonar og kona Símonar á Glæsistöðum var Sigríður húsfreyja, f. 1768, d. 5. september 1825, Þorsteinsdóttir prests á Krossi í Landeyjum, f. 1735, d. 1784, Stefánssonar, og konu sr. Þorsteins, Margréti húsfreyju, f. 1735, d. 6. júní 1809, Hjörleifsdóttur prests Þórðarsonar.

Móðir Kristínar á Gjábakka og fyrri kona Jóns Símonarsonar var Kristín húsfreyja, f. 27. júní 1782, d. 3. júní 1833, Þorleifsdóttir „yngri‟ bónda á Hóli í Landeyjum, f. (1735), Sigurðssonar sýslumanns, f. um 1698, d. 1765, og konu Sigurðar sýslumanns, Þórunnar húsfreyju, f. (1710), Jónsdóttur.
Móðir Kristínar á Klasbarða og kona Þorleifs „yngri‟ var Ingibjörg húsfreyja, f. (1735) Þormóðsdóttir.

Kristín var systir Helga Jónssonar í Kornhól föður Jónasar í Nýjabæ, afa Nýjabæjarsystra.

Kristín var með foreldrum sínum á Eystri-Klasbarða 1816.
Hún var vinnukona í Presthúsum 1835, 28 ára húsfreyja á Kirkjubæ 1840, kona Eiríks 25 ára bónda. Við manntal 1845 var hún enn á Kirkjubæ með Eiríki og dætrunum Málfríði 4 ára og Veigalín 2 ára og enn 1850, og Jón 4 ára hafði bæst í hópinn.
Við manntal 1860 voru þau komin að Gjábakka með 5 börnin, Elísabet og Eiríkur voru mætt.
Eiríkur fórst 26. febrúar 1869, og við manntal 1870 var Kristín 59 ára ekkja á Gjábakka með börnin Málfríði dóttur sína 28 ára, en hún hafði missti mann sinn Guðna Guðmundsson með föður sínum í sama slysi. Hún var þarna með son þeirra Guðna, Kristján Guðnason, tveggja ára.
Þar var einnig Veigalín 26 ára ekkja. Hún missti einnig mann sinn, Jón Jónsson lóðs og formann á Blíð, í slysinu.
Jón Eiríksson sonur Kristínar var einnig horfinn, fórst í sama slysi 21 árs, svo og Rósinkranz 18 ára sonur hennar.
Elísabet dóttir Kristínar var þar 21 árs, ógift.
Kristín var 69 ára ekkja á Gjábakka 1880, í heimili hjá Veigalín dóttur sinni og síðari manni hennar og fjölskyldu þeirra.
Kristín lést 1883.

Maður Kristínar var Eiríkur Hansson bóndi, sjómaður og skipasmiður, f. 3. ágúst 1815, fórst af Blíð 1869.
Börn Kristínar og Eiríks hér:
1. Hans Eiríksson, f. 20. nóvember 1839.
2. Málfríður Eiríksdóttir, f. 22. ágúst 1842, d. 29. febrúar 1912. Hún fór til Vesturheims 1887.
3. Veigalín Eiríksdóttir, f. 28. nóvember 1843, d. 23. júní 1884.
4. Jón Eiríksson, f. 14. október 1847, d. 26. febrúar 1869, drukknaði af Blíð með föður sínum.
5. Elísabet Eiríksdóttir, f. 17. júní 1849. Fór til Vesturheims 1890.
6. Rósinkranz Eiríksson, f. 10. september 1850, drukknaði af Blíð með föður sínum 26. febrúar 1869.
7. Eiríkur Eiríksson, 12. maí 1857, d. 11. september 1934. Hann fluttist til Vesturheims 1882.
8. Sigríður Eiríksdóttir, f. 4 október 1858, d. 10. október 1858, 6 daga úr ginklofa.

---

Heimildir

• Samantekt: Víglundur Þór Þorsteinsson.
• Íslendingabók.is.
• Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
• Manntöl.
• Saga Vestmannaeyja. Sigfús M. Johnsen. Ísafoldarprentsmiðja h.f. 1946.
• Sögur og sagnir úr Vestmannaeyjum. Jóhann Gunnar Ólafsson. Þorsteinn Johnson 1938-1939.
• Ættartölubækur Jóns Espólíns, p. 488.