Guðrún Hákonardóttir (Hákonarhúsi)

Guðrún Friðrika Ásmundína Hákonardóttir frá Hákonarhúsi við Kirkjuveg 88, húsfreyja fæddist 23. febrúar 1911 í Merkinesi í Höfnum, Gull. og lést 27. júlí 1984.
Foreldrar hennar voru Hákon Kristjánsson sjómaður, verkamaður, húsvörður í Barnaskólanum, f. 9. febrúar 1889, d. 21. apríl 1970, og kona hans Guðrún Vilhelmína Guðmundsdóttir húsfreyja, f. 5. ágúst 1884, d. 1. júní 1968.

Börn Vilhelmínu og Hákonar:
1. Guðrún Friðrika Ásmundína Hákonardóttir húsfreyja, f. 23. febrúar 1911 í Merkinesi í Höfnum, síðast í Reykjavík, d. 27. júlí 1984.
2. Guðmundur Kristján Hákonarson húsasmiður í Eyjum, f. 20. september 1915 í Merkinesi í Höfnum, d. 4. febrúar 2006.
3. Vilborg Hákonardóttir húsfreyja í Eyjum, f. 1. júní 1917 í Merkinesi í Höfnum, d. 3. apríl 1995.

Guðrún var með foreldrum sínum í Höfnum og flutti með þeim til Eyja 1922, var með þeim á Skjaldbreið, í Vallartúni og í Hákonarhúsi.
Þau Marinó giftu sig 1934, eignuðust þrjú börn. Þau bjuggu í Hákonarhúsi, Bergholti við Vestmannabraut 67 og Sjávargötu við Sjómannasund 10A.
Marinó lést 1955 og Guðrún 1984.

Maður Guðrúnar, (9. september 1934), var Einar Marinó Jóhannesson, sjómaður, bátsformaður, trillukarl, verkamaður, f. 10. ágúst 1901, d. 18. september 1955.
Börn þeirra:
1. Hilma Marinósdóttir, f. 30. desember 1932 í Hákonarhúsi, d. 11. mars 2014.
2. Margrét Guðrún Marinósdóttir, f. 23. mars 1936 í Bergholti, d. 7. janúar 2004.
3. Steinunn Erla Marinósdóttir, f. 7. febrúar 1948 í Sjávargötu, d. 31. október 2011.

---

Heimildir

• Samantekt: Víglundur Þór Þorsteinsson.
• Íslendingabók.
• Manntöl.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---