Bragi Júlíusson (verkstjóri)

Bragi Júlíusson.

Bragi Júlíusson úr Þykkvabæ, Rang., vélstjóri, vélvirki, verkstjóri fæddist 11. september 1953 í Norður-Nýjabæ þar og lést 20. júní 2021 í Eyjum.
Foreldrar hans voru Júlíus Fjeldsteð Óskarsson bóndi, síðar umsjónarmaður í Keflavík, f. 13. apríl 1914 á Hellissandi, Snæf., d. 30. september 1992, og kona hans Guðmunda Erlendsdóttir húsfreyja, f. 27. október 1920 á Ísafirði, d. 15. maí 1984.

Systir Braga í Eyjum var
1. Lilja Júlíusdóttir húsfreyja, f. 25. desember 1951. Maður hennar Ólafur Guðmundsson vélstjóri.

Bragi var með foreldrum sínum í æsku og vann við bú foreldra sinna.
Hann nam við Vélskólann í Eyjum, lauk náminu í Reykjavík 1973, einnig lærði hann vélvirkjun í Eyjum og lauk því námi 1985.
Bragi var vélstjóri á ýmsum bátum frá Eyjum uns hann hóf nám í vélvirkjun.
Eftir að hann hætti sjómennsku var hann verkstjóri hjá Eimskip og Ísfélagi Vestmannaeyja (F.E.S.) fram að veikindum sínum.
Þau Sigþóra giftu sig 1974, eignuðust tvö börn. Þau bjuggu á Heiðarvegi 9a, en síðar á Búastaðabraut 16.
Bragi lést 2021.

I. Kona Braga, (25. maí 1974), er Sigþóra Björgvinsdóttir frá Úthlíð, húsfreyja, f. 17. janúar 1954.
Börn þeirra:
1. Björg Ólöf Bragadóttir húsfreyja, þroskaþjálfi í Eyjum, f. 4. febrúar 1973. Maður hennar Valgeir Sigurjónsson frá Patreksfirði.
2. Gylfi Bragason rafvirki, f. 11. september 1980. Kona hans Edda Svandís Einarsdóttir.

---

Heimildir

• Samantekt: Víglundur Þór Þorsteinsson.
• Íslendingabók.is.
• Morgunblaðið 7. júlí 2021. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---