Sævaldur Runólfsson

Sævaldur Runólfsson.

Sævaldur Runólfsson stýrimaður, vélstjóri, fæddist 10. ágúst 1930 í Breiðavík við Kirkjuvegi 82.
Foreldrar hans voru Runólfur Sigfússon vélstjóri, skipstjóri, f. 16. febrúar 1893 á Stóru-Breiðavík í S.-Múl., d. 15. september 1936, og kona hans Friðrikka Ingibjörg Einarsdóttir húsfreyja, f. 22. febrúar 1890 á Seyðisfirði, d. 12. mars 1979.

Börn Runólfs og Friðrikku Ingibjargar:
1. Oddný Hansína Runólfsdóttir matráðskona, f. 21. júní 1916, síðast í Reykjavík, d. 14. apríl 2005.
2. Einar Runólfsson vélstjóri, skipstjóri, útgerðarmaður, f. 25. desember 1918, d. 10. mars 2019.
3. Sigfríður Runólfsdóttir húsfreyja, f. 8. mars 1920, d. 12. nóvember 2017.
4. Gústaf Runólfsson vélstjóri, f. 26. maí 1922, drukknaði 7. janúar 1950.
5. Dagmar Runólfsdóttir, f. 4. nóvember 1926. Hún fór til Ameríku, bjó í Columbus, Indiana.
6. Sævaldur Runólfsson stýrimaður, vélstjóri, f. 10. ágúst 1930.
Börn Friðrikku Ingibjargar af fyrra hjónabandi hennar:
7. Friðrik Vigfús Ágústsson, f. 26. mars 1910, d. 17. júlí 1912.
8. Haraldur Ágústsson, f. 14. janúar 1912, d. 29. september 1914.

Sævaldur var með foreldrum sínum fyrstu sex ár ævinnar, en faðir hans lést 1936.
Hann var með þeim í Breiðavík og á Sæbóli, með ekkjunni móður sinni í Fagurlyst 1940, í Birtingarholti 1945 og í London 1949.
Sævaldur tók vélstjóranámskeið 1950, tók fiskimannapróf í Stýrimannaskólanum 1952.
Hann hefur stundað sjómennsku frá 16 ára aldri, fyrst háseti, þá vélstjóri og stýrimaður jöfnum höndum.
Þau Sigurbirna giftu sig 1953, eignuðust fjögur börn, en misstu eitt þeirra mánaðargamalt. Þau bjuggu í Brautarholti, fluttu úr bænum 1960 og settust að á Digranesvegi 65 í Kópavogi.
Sævaldur var stýrimaður á togaranum Fylki.

Kona hans, (11. október 1953), er Guðríður Sigurbirna Hafliðadóttir frá Þingeyri, húsfreyja, sjúkraliði, f. 20. mars 1933 á Ísafirði.
Börn þeirra:
1. Þór Sævaldsson vélvirki, vélfræðingur, rafvirki í Reykjavík, f. 7. ágúst 1952. Fyrrum kona Ingibjörg Guðjónsdóttir.
2. Hafliði Sævaldsson vélvirki, vélfræðingur í Reykjavík, f. 16. janúar 1954. Kona hans Þórey Sigurðardóttir.
3. Drengur, f. 2. apríl 1955, d. 4. maí 1955.
4. Dagmar Sævaldsdóttir húsfreyja, sjúkraliði, síðast í Marteinslaug 3 í Reykjavík, f. 20. nóvember 1957, d. 21. september 2015. Maður hennar, skildu, var Bjarni Bjarnason.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.
• Skipstjóra- og stýrimannatal. Guðmundur Jakobsson. Ægisútgáfan 1979.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---