Magnús Magnússon (Bjarmalandi)

Sjá aðgreiningarsíðuna fyrir aðra sem hafa borið nafnið „Magnús Magnússon“

---

Magnús Magnússon, Bjarmalandi, fæddist 6. október 1882 í Rauðasandshreppi og lést þann 22. október árið 1961. Magnús fór til Vestmannaeyja árið 1909 og varð fyrst vélamaður á Dagmar. Árið 1918 var Magnús formaður með Báru í eina vertíð. Eftir það er Magnús vélamaður á ýmsum bátum allt til ársins 1926 þegar hann ræðst í að byggja dráttarbraut. Þar byggði Magnús tvo 23 lesta báta auk þess sem hann gerði við báta til ársins 1942. Þá seldi Magnús fyrirtækið.

---

Heimildir

• Sjómannablaðið Víkingur. Farmanna- og Fiskimannasamband Íslands.

Frekari umfjöllun

Magnús Magnússon.

Magnús Magnússon skipasmiður og bæjarfulltrúi, f. 6. okt. 1882 að Geitagili í Rauðasandshreppi, Barðastrandarsýslu, d. 22. október 1961.
For.: Magnús Sigurðsson bóndi á Láganúpi í Rauðasandshreppi, f. 28. maí 1842 og k.h. Þórdís Jónsdóttir húsfreyja, f. 1838.
Magnús lærði trésmíðar í Reykjavík og skipasmíðar í Danmörku á fyrsta áratug 20. aldar. Hann fluttist til Eyja 1911 og rak bátaiðnað í slippnum, sem síðar varð slippur Ársæls Sveinssonar.
Hann sat í bæjarstjórn Vestmannaeyja 1930-34.
Árið 1916 var hann búsettur í Dvergasteini, á Bjarmalandi frá 1922.
Í kreppunni 1929 komst hann í fjárhagsþrot. Þau fluttust til Reykjavíkur eftir 1940 og bjuggu lengst af að Laugavegi 86.

Sambýliskona Magnúsar var Oddný Erlendsdóttir húsfreyja, f. 11. október 1883 að Skíðabakka í A-Landeyjum, d. 9. ágúst 1969.
Börn þeirra:
1. Hulda Magnúsdóttir húsfreyja í Reykjavík, f. 29. júní 1913 í Ólafshúsum, d. 6. nóvember 1998.
2. Marta Sonja Magnúsdóttir, húsfreyja, saumakona, gangavörður, f. 19. nóvember 1914 á Ingólfshvoli, d. 13. október 2010.
3. Magnús Adolf Magnússon, bifvélavirki, býr í Kópavogi, f. 20. júlí 1916 í Dvergasteini, d. 25. desember 1996.
4. Þórdís Magnúsdóttir vinnukona í Reykjavík, f. 15. september 1917 í Dvergasteini, d. 23. apríl 1939.
5. Jórunn Lilja Magnúsdóttir húsfreyja í Eyjum, f. 5. desember 1919 í Dvergasteini, d. 14. febr. 2008.
6. Erlendína Guðrún Magnúsdóttir, f. 18. júní 1921 í Dvergasteini, d. 21. september 1922.
7. Erlendur Magnússon verkamaður, sjómaður, útgerðarmaður í Reykjavík, f. 13. mars 1923 á Bjarmalandi, d. 9. október 2003.
8. Guðbjört Magnúsdóttir húsfreyja, gangavörður í Reykjavík, f. 31. maí 1924 á Bjarmalandi, d. 27. júlí 2019.
9. Elísabet Fjóla Magnúsdóttir húsfreyja í Reykjavík, f. 24. nóvember 1925 á Bjarmalandi, d. 28. ágúst 2004. Hún varð kjörbarn Helgu Eggertsdóttur húsfreyju og Kristófers Péturs Eggertssonar skipstjóra.
10. Fanney Magnúsdóttir húsfreyja, verkakona í Reykjavík, f. 3. mars 1928 á Bjarmalandi, d. 4. október 2013.

---

Heimildir

• Samantekt: Víglundur Þór Þorsteinsson.
• Blik 1959/Bæjarstjórn í Vestmannaeyjum 40 ára
• Manntöl.
• Prestþjónustubækur.
• Viktor Þór Úraníusson.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---