Kristín Jónsdóttir (Gíslholti)

Kristín Jónsdóttir, Gíslholti, var fædd 22. mars 1898 og lést 19. apríl 1969. Hún var gift Ólafi Vigfússyni. Bjuggu þau að Gíslholti á Landagötu.

Einn sona Kristínar og Ólafs er Guðjón Ólafsson bæjarlistamaður.

Frekari umfjöllun

Kristín Jónsdóttir í Gíslholti, húsfreyja fæddist 24. mars 1898 og lést 19. apríl 1969.
Faðir Kristínar var Jón vinnumaður á Miðbælisbökkum, síðar bóndi á Miðbæli, f. 15. júlí 1859, d. 6. júlí 1937, Einarsson bónda á Minni-Borg og Bakkakoti undir Eyjafjöllum, f. 3. júní 1796, d. 30. janúar 1869, Péturssonar bónda á Fornusöndum og Lambhúshóli undir Eyjafjöllum, f. 1757, d. 7. júlí 1841, Erlendssonar, og konu Péturs, Margrétar húsfreyju á Fornusöndum 1801, f. 1768, d. 25. september 1825, Jónsdóttur.
Móðir Jóns Einarssonar á Miðbæli og síðari kona Einars á Minni-Borg var Margrét húsfreyja í Bakkakoti 1860, f. 7. febrúar 1830 í Pétursey í Mýrdal, d. 16. ágúst 1868, Loftsdóttir bónda í Hjörleifshöfða, f. 22. febrúar 1791, d. 19. apríl 1856, Guðmundssonar, og barnsmóður Lofts, Bjarghildar vinnukonu víða, f. 1800, d. 10. júlí 1856, Oddsdóttur.

Móðir Kristínar í Gíslholti var Margrét húsfreyja á Miðbæli 1910, f. 15. apríl 1866; var hjá foreldrum sínum á Hærri-Þverá í Fljótshlíð 1870, vinnukona og kona (1889) Jóns Einarssonar vinnumanns á Miðbælisbökkum 1890 með 3 börn sín, húsfreyja í Miðbæli 1910, 15 barna móðir, d. 20. mars 1939, Jónsdóttir; hann býr með móður sinni og konu á Efri-Þverá f. um 1828, Eyjólfssonar bónda á Háu-Þverá, f. 3. október 1787, d. 27. júlí 1851, Jónssonar, og konu Eyjólfs, Þorbjargar frá Vestri-Kirkjubæ á Rangárvöllum, f. 5. október 1790, d. 24. desember 1888, Jónsdóttur.
Móðir Margrétar á Miðbæli og kona Jóns Eyjólfssonar á Hærri-Þverá var Margrét húsfreyja á Miðbælisbökkum, f. 11. maí 1834, d. 28. mars 1912, Ögmundsdóttir bónda í Auraseli í Breiðabólsstaðarsókn, f. 30. október 1803, d. 25. maí 1890, Ögmundssonar, og konu Ögmundar í Auraseli, Guðrúnar húsfreyju, f. 23. apríl 1807, d. 29. júlí 1891, Andrésdóttur.

Systir Kristínar var
1. Margrét Jónsdóttir húsfreyja í Norðurgarði, f. 23. ágúst 1894, d. 3. júní 1934. Ömmubróðir hennar var
2. Guðmundur Ögmundsson í Borg, bróðir Margrétar Ögmundsdóttur.

Kristín var með foreldrum sínum á Rauðsbakka 1901, var vikastúlka á Raufarfelli 1910.
Hún var vinnukona á Raufarfelli 1920. Þar var Ólafur Vigfússon bróðir húsbóndans og Vigfús sonur þeirra Ólafs.
Þau Ólafur giftu sig 1921, fluttust til Eyja 1922.
Þau bjuggu á Vesturhúsum 1922 og við fæðingu Jónu Margrétar 1924, í Gíslholti í lok ársins og síðan, þar 1930 með fjórum börnum sínum. Auk þeirra bjuggu hjá þeim 1930 Margrét ekkja, systir Kristínar, og börn hennar Ásta Margrét Sigurðardóttir og Einar Árni Sigurðsson.
Þau eignuðust Sigríði þar 1931 og Guðjón Þorvarð 1935.
Kristín bjó í Gíslholti við andlát 1969. Ólafur lést 1974.

I. Maður Kristínar, (3. desember 1921), var Ólafur Gísli Vigfússon skipstjóri, f. 21. ágúst 1891, d. 15. maí 1974.
Börn þeirra:
1. Vigfús Ólafsson kennari, skólastjóri, f. 13. apríl 1918 að Raufarfelli u. A-Eyjafjöllum, d. 25. október 2000.
2. Kristný Ólafsdóttir fiskverkakona, f. 8. júlí 1921 að Raufarfelli u. Eyjafjöllum, d. 24. nóvember 2006.
3. Jóna Margrét Ólafsdóttir, f. 13. apríl 1924 á Vesturhúsum, d. 4. ágúst 1944.
4. Sveinn Ágúst Ólafsson útgerðarmaður, ,,trillukarl“, f. 1. ágúst 1927 í Gíslholti, d. 29. júlí 2003.
5. Sigríður Ólafsdóttir húsfreyja, f. 22. júlí 1931 í Gíslholti.
6. Guðjón Þorvarður Ólafsson skrifstofumaður, gjaldkeri, myndlistarmaður, bæjarlistamaður, f. 1. nóvember 1935 í Gíslholti.
Fóstursonur Kristínar og Ólafs, sonur Jónu Margrétar:
7. Jón Ólafur Vigfússon, f. 18. júlí 1944.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---