Helga Ágústsdóttir (Ásavegi)

Helga Þuríður Ágústsdóttir frá Ásavegi 30, húsfreyja, skólaliði fæddist 21. janúar 1961.
Foreldrar hennar voru Ágúst Pálmar Óskarsson vélstjóri, f. 12. desember 1939 í Eyjum, og kona hans Oddfríður Jóna Guðjónsdóttir húsfreyja, skólaliði, f. 22. maí 1942 á Innsta-Vogi í Innri-Akraneshreppi, Borg.

Börn Oddfríðar og Ágústs:
1. Helga Þuríður Ágústsdóttir skólaliði, f. 21. janúar 1961. Maður hennar Þór Jakob Sveinsson.
2. Rut Ágústsdóttir stuðningsfulltrúi, f. 21. desember 1962. Maður hennar Jakob Jónatan Möller.
3. Fríða Jóna Ágústsdóttir skrifstofumaður, f. 14. júlí 1966. Maður hennar Sæmundur Vilhjálmsson.

Helga var með foreldrum sínum í æsku, við Sólhlíð 5, við Ásaveg 30 til Goss 1973, síðan við Bröttugötu 45.
Hún var skólaliði, síðan frístundaleiðbeinandi.
Þau Þór giftu sig 1985, eignuðust þrjú börn. Þau bjuggu við Búastaðabraut 9 1986, fluttu í Garðinn, Gull. 1990, fluttu í Hafnarfjörð 2001, bjuggu síðan við Nýbýlaveg í Kópavogi til 2014, en síðan á Selfossi.

I. Maður Helgu, (2. ágúst 1985), er Þór Jakob Sveinsson vinnuvélastjóri, f. 8. nóvember 1956.
Börn þeirra:
1. Fríða Þórsdóttir, fiskverkakona í Eyjum, f. 22. mars 1980.
2. Sveinn Ágúst Þórsson, yfirverkstjóri áhaldahússins á Seyðisfirði, f. 13. júlí 1982. Kona hans Oddný Daníelsdóttir.
3. Magnús Ingi Þórsson, verkamaður, f. 21. maí 1996. Fyrrum sambúðarkona hans Ásta Eyrún Andrésdóttir.

---

Heimildir

• Samantekt: Víglundur Þór Þorsteinsson.
• Heimaslóð.
• Helga.
• Íbúaskrá 1986.
• Íslendingabók.
• Morgunblaðið. Minning Ástu Ólafsdóttur.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---