Birna Ólafsdóttir (sjúkraliði)

Birna Ólafsdóttir.

Birna Ólafsdóttir sjúkraliði fæddist 25. júní 1951.
Foreldrar hennar voru Ólafur Ingibergsson sjómaður, vélstjóri, útgerðarmaður, trillukarl, f. 31. júlí 1925, d. 21. júlí 2006, og kona hans Eyrún Hulda Marinósdóttir húsfreyja, f. 6. september 1930, d. 19. mars 2016.

Börn Huldu og Ólafs:
1. Guðjón Ingi Ólafsson bifreiðastjóri, f. 1. júlí 1948. Fyrrum kona hans Elín Ebba Guðjónsdóttir. Kona hans Hildur Hauksdóttir.
2. Birna Ólafsdóttir sjúkraliði, f. 25. júní 1951. Barnsfaðir Sigurður Ólafur Gunnarsson. Fyrrum maður hennar Guðlaugur Sigurðsson. Maður hennar Sveinn B. Ingason.
3. Viðar Ólafsson verkamaður, f. 10. apríl 1958. Barnsmæður hans Agnes Margrét Garðarsdóttir, Guðrún Ásdís Ásmundsdóttir og Ingibjörg Sigurðardóttir. Fyrrum sambúðarkona hans Heba Gísladóttir. Kona hans Halldóra Svava Sigvarðardóttir.

Birna lauk sjúkraliðaprófi í Sjúkraliðaskóla Íslands 1986, varð stúdent á heilbrigðissviði í Fjölbrautarskólanum í Breiðholti 1991.
Hún vann verslunar- og skrifstofustörf, var sjúkraliði í hlutastarfi á öldrunarlækningadeild Lsp 1986-1991, skrifstofustjóri Sjúkraliðafélags Íslands frá 1986. Hún hefur unnið verslunar- og skrifstofustörf.
Birna vann fjölmörg trúnaðarstörf fyrir Sjúkraliðafélagið, m.a. var hún í kjaramálanefnd, formaður kjörstjórnar, formaður fræðslunefndar. Hún sat í nefndum á vegum menntamálaráðuneytisins f.h. Sjúkraliðafélags Íslands, sat í nefnd um símenntun í starfsmenntun, nefndum á vegum BSRB, í stjórn Evrópusambands sjúkraliða, varaformaður í fjögur ár.
Hún eignaðist barn með Sigurði Ólafi 1968.
Þau Guðlaugur giftu sig 1970, eignuðust trvö börn. Þau bjuggu í Hásteinsblokkinni við Hásteinsveg 64 1972, bjuggu í Keflavík um skeið eftir Gos, síðan í Eyjum, en skildu.

I. Barnsfaðir Birnu er Sigurður Ólafur Gunnarsson flugvirki, flugvélstjóri, f. 29. júlí 1950, d. 6. desember 2022.
Barn þeirra:
1. Íris Inga Sigurðardóttir verslunarmaður, f. 8. mars 1968 í Eyjum. Fyrrum maður hennar Bergur Héðinsson. Maður hennar Mikael Jón Jónsson.

II. Maður Birnu, (31. maí 1970, skildu), Guðlaugur Sigurðsson frá Laugalandi við Vestmannabraut 53a, f. þar 27. júlí 1950.
Börn þeirra:
2. Ólafur Guðlaugsson prentari, framkvæmdastjóri, f. 18. febrúar 1974 í Keflavík. Barnsmóðir hans Særún Ægisdóttir. Kona hans Aðalheiður Runólfsdóttir.
3. Hlynur Guðlaugsson, f. 5. mars 1979 í Eyjum.

III. Sambúðarmaður Birnu er Sveinn Birgir Ingason frá Neskaupstað, bifvélavirki, f. 3. janúar 1947. Foreldrar hans Ingi G. Sveinsson vélstjóri, f. 4. nóvember 1919 í Rvk, d. 12. maí 2000, og Guðrún Gísladóttir, f. 26. desember 1919 í Húnavatnssýslu, d. 18. febrúar 1988.

---

Heimildir

• Samantekt: Víglundur Þór Þorsteinsson.
• Íslendingabók.
• Prestþjónustubækur.
• Sjúkraliðar á Íslandi 1966-1996. Ritstjóri: Sigurður Hermundarson. Mál og mynd 1997.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---