Jón Kristinn Tómas Ólafsson

Jón Kristinn Tómas Ólafsson.

Jón Kristinn Tómas Ólafsson frá Leirum u. Eyjafjöllum, verkamaður, sjómaður, verslunarmaður fæddist þar 24. ágúst 1910 og lést 25. júlí 2003 á Landspítalanum.
Foreldrar hans voru Ólafur Jónsson bóndi, f. 7. nóvember 1872 á Leirum, d. 20. júlí 1955, og kona hans Margrét Þórðardóttir húsfreyja, f. 14. maí 1872 á Rauðafelli, d. 16. janúar 1947.

Bróðir Jóns var
1. Kjartan Þórarinn Ólafsson á Túnsbergi, f. 2. apríl 1913, d. 25. apríl 1990.

Jón var með foreldrum sínum.
Hann var sjómaður í fyrstu, þá verkamaður, en síðan verslunarmaður.
Þau Guðlaug fluttu til Eyja, giftu sig þar 1940, eignuðust fimm börn. Þau bjuggu í fyrstu á Svalbarði við fæðingu Sirrýjar 1940, í Kaupangi við Vestmannabraut 31 við fæðingur Ólafs 1944 og í Langa-Hvammi við Kirkjuveg 41 við fæðingu Hafdísar 1949.
Þau fluttu til Reykjavíkur 1955.
Guðlaug lést 1966 og Jón 1996.

I. Kona Jóns, (27. október 1940), var Guðlaug Ragnheiður Guðbrandsdóttir frá Stardal í Lágafellssókn, Kjós., f. 18. mars 1921, d. 27. febrúar 1966.
Börn þeirra:
1. Sirrý Laufdal Jónsdóttir, f. 13. september 1940 á Svalbarði.
2. Ólafur Laufdal Jónsson, f. 10 ágúst 1944 í Kaupangi. Barnsmæður hans Herdís Hauksdóttir, Jóna Hafsteinsdóttir og Helga Kristjana Austmann Jóhannsdóttir. Kona hans Kristín Ketilsdóttir.
3. Trausti Laufdal Jónsson múrari, f. 17. maí 1947 í Kaupangi. Kona hans Hrönn Haraldsdóttir.
4. Hafdís Laufdal Jónsdóttir, f. 12. maí 1949 í Langa-Hvammi við Kirkjuvegi 41.
5. Erling Laufdal Jónsson, f. 21. desember 1954.

---

Heimildir

• Samantekt: Víglundur Þór Þorsteinsson.
• Íslendingabók.
• Manntöl.
• Morgunblaðið 1. ágúst 2003. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---