Jónína Ingibjörg Gísladóttir

Jónína Ingibjörg Gísladóttir og Friðrik Halldór Magnússon.

Jónína Ingibjörg Gísladóttir frá Þorgrímsstöðum í Ölfusi, húsfreyja í Pétursey fæddist 2. maí 1905 á Þorgrímsstöðum og lést 24. nóvember 1970.
Foreldrar hennar voru Gísli Magnússon ráðsmaður á Þorgrímsstöðum, f. 21. apríl 1873, d. 28. maí 1955, og Ingibjörg Jónsdóttir ekkja, húsfreyja á Þorgrímsstöðum, f. 3. desember 1865, d. 18. desember 1940.

Jónína var með foreldrum sínum á Þorgrímsstöðum 1910 og 1920.
Hún eignaðist Ingibjörgu í Stakkholti 1925, fluttist úr bænum, en kom úr Reykjavík 1930.
Þau Halldór giftu sig 1930, eignuðust þrjú börn saman og ólu upp Ingibjörgu dóttur Jónínu. Þau bjuggu í Hjálmholti 1930, voru komin í Pétursey 1931 við fæðingu Hönnu Guðrúnar og bjuggu þar lengst.
Þau voru bændur á Ingólfshvoli í Ölfusi 1952-1957, en bjuggu á Ásavegi 12 við andlát Jónínu 1970.
Halldór lést 1978.

I. Barnsfaðir Jónínu Ingibjargar var Haraldur Ólafsson sjómaður, vélstjóri, matsveinn í Reykjavík, var í Háagerði í Upsasókn í Eyjafirði 1930.
Barn þeirra:
1. Ingibjörg Haraldsdóttir húsfreyja í Pétursey og á Faxastíg 2b, f. 2. júlí 1925 í Stakkholti, d. 20. apríl 2010.

II. Maður Jónínu Ingibjargar, (1930), var Friðrik Halldór Magnússon yfirverkstjóri, f. 15. apríl 1904 í Nýjabæ, d. 16. janúar 1978.
Börn þeirra:
2. Engilbert Halldórsson netagerðarmeistari, f. 16. maí 1930 í Hjálmholti, d. 16. janúar 2013. Kona hans er Þuríður Selma Guðjónsdóttir.
3. Hanna Guðrún Halldórsdóttir húsfreyja á Stokkseyri, forstöðukona í Kumbaravogi, f. 28. september 1931 í Pétursey, d. 24. mars 1992. Maður hennar var Kristján Friðbergsson.
4. Elín Halldórsdóttir húsfreyja, f. 10. desember 1941 í Pétursey, bjó á Ásavegi 12 1972. Maður hennar er Magnús Jónsson.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Prestþjónustubækur.
• Ölfusingar - búendatal Ölfushrepps 1703-1980. Eiríkur Einarsson. Reykjavík. Sögusteinn 1985.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---