Guðríður Þórunn Ásgrímsdóttir (Heiðarbæ)

Guðríður Þórunn Ásgrímsdóttir frá Kröggólfsstöðum í Ölfusi, húsfreyja í Heiðarbæ fæddist þar 19. september 1880 og lést 11. maí 1954.
Foreldrar hennar voru Ásgrímur Guðmundsson bóndi í Grafarholti í Mosfellshreppi, síðast í Reykjavík, f. 5. september 1829, d. 23. september 1910, og Þórunn Guðmundsdóttir frá Þórisstöðum í Mosfellssókn í Árnessýslu, húsfreyja f. 9. júní 1841, d. 10. júlí 1886.

Guðríður var með móður sinni á Kröggólfsstöðum í Reykjasókn, Árn. 1880, hjá Guðmundi bróður sínum í Saltvík vestri á Kjalarnesi 1890, hjú í Hrólfsskála í Reykjavíkursókn 1901, námsstúlka á Laugavegi 51 1910.
Guðríður eignaðist Rósberg, en missti hann ungbarn.
Þau Guðmundur giftu sig 1920, höfðu þá eignast þrjú börn.
Þau fluttust til Eyja 1921 með sex börn. Þorbjörg dóttir Guðmundar af fyrra hjónabandi varð eftir í Reykjavík, var þjónuststúlka í Hafnarstræti 8 1920. Þau hjón bjuggu á Eiðinu 1921 og 1922, á Ofanleiti 1923 með Ingólfi og þrem börnum sínum, í Stórhöfðvita 1924 með þrem síðari konu börnum og Ingólfi, á Brimhólum 1927 með þrem börnum þeirra Guðríðar. Guðni Tómas var ekki með þeim 1927. Hann fór til lands, en kom úr A-Landeyjum 1929 og bjó á Hásteinsvegi 8 ásamt Ingólfi 1930.
Þorbjörg kom til Eyja 1930 úr Mýrdal með Rósu dóttur sína og leigði á Borgarhól.
Hjónin byggðu Heiðarbæ og bjuggu þar með þrem börnum sínum 1930 og uns þau fluttust úr Eyjum 1936.
Þau Guðmundur keyptu jörðina Litlu-Hnausa í Breiðavíkurhreppi á Snæfellsnesi og fluttust þangað með Ásþór, Kristján Rósberg og Matthías Gunnlaug. Nokkru síðar keyptu þau jörðina Skjaldartraðir á Hellnum þar og bjuggu þar til 1947, en þá fluttust hjónin í Voga á Vatnsleysuströnd.
Guðríður lést 1954 og þá flutti Guðmundur til Matthíasar Gunnlaugs í Keflavík og lést þar 1958.

I. Maður Guðríðar Þórunnar, (1920), var Guðmundur Jónsson ökumaður, verkamaður, múrari, skipasmiður, bóndi, f. 11. apríl 1876 í Ártúni í Gufunessókn, d. 2. október 1958.
Börn þeirra:
1. Ásþór Guðmundsson rafsuðumaður, f. 20. mars 1918 í Reykjavík, síðar á Vatnsleysuströnd, d. 17. nóvember 1985.
2. Kristján Rósberg Guðmundsson pípulagningamaður, f. 17. september 1919, síðar á Vatnsleysuströnd, d. 24. júlí 1975.
3. Matthías Gunnlaugur Guðmundsson húsasmiður, síðar í Keflavík, f. 19. nóvember 1920, d. 25. október 1997.
Börn Guðmundar og stjúpbörn Guðríðar Þórunnar:
4. Sigurður Guðmundsson, f. 27. maí 1904 á Þingeyri í Sandasókn, Ís., drukknaði 17. mars 1928.
5. Þorbjörg Guðmundsdóttir húsfreyja á Boðaslóð 3, f. 29. ágúst 1905 í Reykjavík, d. 10. febrúar 1960.
6. Guðni Tómas Guðmundsson sjómaður, vélstjóri, f. 20. september 1906 í Reykjavík, d. 2. apríl 1995.
7. Ingólfur Guðmundsson úrsmiður í Eyjum, f. 27. júlí 1909 í Reykjavík, d. 28. febrúar 1968.

---

Heimildir

• Samantekt: Víglundur Þór Þorsteinsson.
• Guðlaug Jónsdóttir í Keflavík.
• Íslendingabók.is.
• Manntöl.
• Morgunblaðið.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---