Sigríður Angantýsdóttir (Húsavík)

Sigríður Angantýsdóttir húsfreyja í Húsavík fæddist 1. apríl 1932 á Geirseyri og lést 18. desember 1983.
Foreldrar hennar voru Angantýr Einarsson sjómaður, verkamaður, f. 6. ágúst 1906 í Ásgerði í Svarfaðardal, d. 28. febrúar 1974, og kona hans Kornelía Jóhannsdóttir húsfreyja, f. 1. júní 1907 á Ólafsfirði, d. 18. október 1996.

Sigríður var með foreldrum sínum í æsku, fluttist með þeim til Siglufjarðar og bjó þar um skeið.
Hún fluttist til Eyja síðari hluta fimmta áratugarins, var verkakona í Húsavík 1949 og þar með Jóni Kjatanssyni og fjölskyldu hans.
Þau Jón eignuðust Einar Gylfa í Húsavík 1950, giftu sig 1951, bjuggu á Skjaldbreið við fæðingu Kjartans 1952, Helgu 1955 og Ástþórs 1957. Þau voru í Húsavík við fæðingu Heimis 1963.
Þau fluttu að Hjarðarholti, Vestmannabraut 69 og bjuggu þar við Gos og síðar.
Sigríður lést 1983 og Jón 2016.

I. Maður Sigríðar, (18. júlí 1951), var Jón Ólafur Kjartansson verkalýðsleiðtogi, f. 16. júlí 1930 á Eystri-Oddsstöðum, d. 13. desember 2016.
Börn þeirra:
1. Einar Gylfi Jónsson sálfræðingur í Reykjavík, f. 1. september 1950 í Húsavík.
2. Kjartan Jónsson netagerðarmaður á Stokkseyri, gangavörður í Reykjavík, f. 5. október 1952 á Skjaldbreið.
3. Helga Jónsdóttir húsfreyja, framkvæmdastjóri í Eyjum, f. 11. ágúst 1955 á Skjaldbreið.
4. Ástþór Jónsson stýrimaður og útgerðarmaður, verslunarstjóri, f. 26. ágúst 1957 á Skjaldbreið.
5. Heimir Jónsson stýrimaður, tölvufræðingur, forstöðumaður, f. 13. desember 1963 í Húsavík.
6. Jóhanna Ýr Jónsdóttir húsfreyja, sagnfræðingur, þýðandi, f. 25. nóvember 1974 á Sjúkrahúsinu.

---

Heimildir

• Samantekt: Víglundur Þór Þorsteinsson.
• Íslendingabók.is.
• Jóhanna Ýr Jónsdóttir.
• Manntöl.
• Morgunblaðið 14. janúar 2017. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---