Friðþór Guðlaugsson (Sólbergi)

Friðþór Guðlaugsson.

Friðþór Guðlaugsson frá Sólbergi, vélvirkjameistari fæddist 11. október 1926 á Vegbergi við Skólaveg 32 og lést 19. júní 2004 á Heilbrigðisstofnuninni.
Foreldrar hans voru Guðlaugur Halldórsson skipstjóri, f. 20. maí 1898 á Viðborði í A.-Skaft., d. 2. apríl 1977, og kona hans Ragnhildur Friðriksdóttir frá Rauðhól í Mýrdal, húsfreyja, f. 12. júní 1902, d. 16. ágúst 1977.

Börn Ragnhildar og Guðlaugs:
1. Friðþór Guðlaugsson vélvirkjameistari, f. 11. október 1926 á Vegbergi við Skólaveg 32, d. 19. júní 2004.
2. Alda Guðlaugsdóttir, síðast á Húsavík, f. 21. desember 1928 í Litla-Hvammi við Kirkjuvegi 39 B, d. 24. nóvember 1996.
3. Elín Guðlaugsdóttir, f. 21. apríl 1930 í Litla-Hvammi við Kirkjuvegi 39 B.
4. Guðbjörg Guðlaugsdóttir, f. 21. apríl 1930 í Litla-Hvammi við Kirkjuvegi 39 B, d. 22. ágúst 2013.
5. Vigfúsína Guðlaugsdóttir, síðast í Reykjavík, f. 27. nóvember 1934 í Viðey að Vestmannabraut 30, d. 25. desember 1994.

Friðþór var með foreldrum sínum til fullorðinsára.
Hann nam vélvirkjun í Magna, varð meistari í greininni. Hann starfaði í Magna, stofnaði með öðrum Vélsmiðjuna Völund. Vélsmiðjurnar Magni og Völundur sameinuðust í Skipalyftuna ehf. og þar vann Friðþjófur til starfsloka sinna.
Þau Margrét giftu sig 1953, eignuðust fimm börn, en eitt þeirra fæddist andvana. Þau bjuggu í fyrstu á Sólbergi, á Hásteinsvegi 9 við fæðingu Brynju 1956, á Sólbergi við fæðingu Guðlaugs 1961, en síðar á Illugagötu 49.
Friðþór lést 2004.

I. Kona Friðþórs, (4. október 1953), er Margrét Karlsdóttir húsfreyja, f. 8. janúar 1930 á Vegamótum á Húsavík. Foreldrar hennar voru Kristján Karl Stefánsson frá Hellulandi í Aðaldal, S.-Þing., verkamaður, f. 11. maí 1897, d. 4. júní 1967, og kona hans Sigfríður Jónsdóttir húsfreyja, f. 10. júlí 1904 á Höskuldsstöðum í Reykjadal í S.-Þing., d. 21. september 1998.

Börn þeirra:
1. Stefán Friðþórsson lagerstjóri í Reykjavík, f. 27. mars 1954. Kona hans Svala Sigurðardóttir.
2. Brynja Friðþórsdóttir húsfreyja í Eyjum, f. 3. september 1956. Maður hennar Þorsteinn Þorsteinsson.
3. Guðlaugur Friðþórsson sjómaður í Eyjum, f. 24. september 1961. Sambúðarkona María Tegeder.
4. Andvana fæddur drengur 1968.
5. Sigurhanna Friðþórsdóttir húsfreyja, kennari, f. 25. ágúst 1972. Maður hennar Jón Atli Gunnarsson.

---

Heimildir

• Samantekt: Víglundur Þór Þorsteinsson.
• Íslendingabók.is.
• Morgunblaðið 26. júní 2004. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---