Sigurður Sigurðsson (sýslumaður)

Sjá aðgreiningarsíðuna fyrir aðra sem hafa borið nafnið „Sigurður Sigurðsson“

---

Sigurður Sigurðsson var sýslumaður í Vestmannaeyjum fyrst árið 1758 til ársins 1766 og aftur 1768 til 1786. Foreldrar hans voru séra Sigurður Sigurðsson í Flatey og Guðrún Tómasdóttir frá Flatey.

Sigurður fór í Skálholtsskóla árið 1744 og lauk þaðan stúdentsprófi árið 1749. Hann tók lögfræðipróf frá háskólanum í Kaupmannahöfn árið 1758. Kona hans var Ásta Sigurðardóttir og áttu þau þrjú börn.

---

Heimildir

• Guðlaugur Gíslason: Eyjar gegnum aldirnar. Frásagnir af mannlífi og atburðum í Vestmannaeyjum frá gamalli tíð og nýrri. Reykjavík, 1982.

Frekari umfjöllun

Sigurður Sigurðsson (nefndur ,,Skuggi“ vegna þess að hann var dökkur á hörund), sýslumaður á Oddsstöðum og í Stakkagerði fæddist 1726 og lést 18. ágúst 1798.
Foreldrar hans voru Sigurður Sigurðsson prestur í Flatey, f. 1688, d. 2. september 1753, og kona hans Guðrún Tómasdóttir húsfreyja frá Flatey, f. 1688, d. í ágúst 1771.

Sigurður var í Skálholtsskóla, varð stúdent 1749. Hann var síðan í þjónustu biskups, fór utan 1752, tók lögfræðipróf í Háskólanum í Kaupmannahöfn 1758.
Hann varð sýslumaður í Eyjum 15. maí 1758-1760, var settur sýslumaður í Ísafjarðarsýslu 1760-1761, var bóndi á Mosvöllum í Önundarfirði 1762-1766 og og á Eyri þar 1766-1768, en tók aftur við Eyjum, kom þangað að fullu 1768 og gegndi til 1786, fékk Borgarfjarðarsýslu 1786-1792, bjó á Hvanneyri 1787-1793, hætti störfum 1792.
Hann fór til systur sinnar á Ökrum á Mýrum 1793, fór til Kaupmannahafnar 1795 og lést þar 1798.

I. Kona Sigurðar var Ásta Sigurðardóttir húsfreyja á Oddsstöðum, f. 1740, d. 11. mars 1770. Foreldrar hennar voru Sigurður Sigurðsson prestur í Holti í Önundarfirði, f. 2. október 1684, d. 22. desember 1760, og miðkona hans Elín Markúsdóttir húsfreyja, f. um 1715.
Börn þeirra:
1. Valgerður Sigurðardóttir, f. 1766, d. 18. maí 1786 í Stakkagerði úr bólusótt.
2. Guðrún Sigurðardóttir húsfreyja á Hamraendum í Miðdölum, f. um 1766 að Mosvöllum í Önundarfirði, d. 1842. Maður hennar Ólafur Benediktsson bóndi, stúdent á Hamraendum, f. um 1780, d. 1. júlí 1820.
3. Tómas Sigurðsson prestur í Flatey, í Garpsdal í A.-Barð. og í Holti í Önundarfirði, f. 14. maí 1769 á Oddsstöðum, d. 13. október 1849 í Holti. Kona hans Guðrún Sigurðardóttir frá Ökrum, húsfreyja, f. 1766 í Hítarnesi á Mýrum, d. 28. ágúst 1851 í Holti.
4. Elín Sigurðardóttir, f. um 1770, d. 1797, ógift, barnlaus.

---

Heimildir

• Samantekt: Víglundur Þór Þorsteinsson.
• Íslendingabók.
• Íslenzkar æviskrár. Páll Eggert Ólason og fleiri. Hið íslenzka bókmenntafélag 1948-1956.
• Saga Vestmannaeyja. Sigfús M. Johnsen. Ísafoldarprentsmiðja h.f. 1946.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---