Svala Káradóttir (Presthúsum)

Guðríður Svala Káradóttir.

Guðríður Svala Káradóttir frá Presthúsum, öryrki, fæddist 16. júlí 1922 og lést 13. desember 2005.
Foreldrar hennar voru Kári Sigurðsson bóndi, bátsformaður, útvegsbóndi í Hvíld og Presthúsum, f. 12. júlí 1880 í Selshjáleigu í V-Landeyjum, d. 10. ágúst 1925, og kona hans Þórunn Pálsdóttir húsfreyja, f. 12. nóvember 1879 í Vesturholtum u. Eyjafjöllum, d. 25. mars 1965 í Reykjavík.

Börn Þórunnar og Kára voru:

1. Ingileif, f. 10. júní 1903, d. 16. júní 1903;
2. Helga húsfreyja á Önundarstöðum í A-Landeyjum, f. 30. maí 1904, d. 13. júní 1999;
3. Óskar byggingafulltrúi í Eyjum, f. 9. ágúst 1905, d. 2. maí 1970;
4. Ingileif húsfreyja í Reykjavík, f. 21. október 1906, d. 29. ágúst 2003;
5. Sigurbjörn kaupmaður í Reykjavík, f. 31. maí 1908, d. 21. apríl 1997;
6. Þórður sjómaður í Reykjavík, f. 10. ágúst 1909, d. 20. febrúar 1933. Hann ólst upp hjá föðursystur sinni Önnu Sigurðardóttur og Jóni Jónssyni að Syðri-Úlfsstöðum í A-Landeyjum. Hann drukknaði, er línuveiðarinn Papey fórst eftir árekstur á Sundunum hjá Reykjavík.
7. Guðni bakari og lengst skrifstofumaður og verzlunarmaður í Reykjavík, f. 10. september 1910, d. 18. ágúst 2004;
8. Nanna saumakona í Reykjavík, f. 1. marz 1912, d. 14. júní 1978;
9. Sölmundur, f. 23. apríl 1913, d. 7. apríl 1914;
10. Laufey, f. 10. marz 1914, d. 14. ágúst 1917;
11. Arnkell, f. 4. apríl 1916, d. 12. marz 1917;
12. Rakel húsfreyja í Reykjavík, f. 4. september 1917, d. 10. ágúst 1980;
13. Jón Trausti aðalbókari í Reykjavík, f. 9. febrúar 1920, d. 24. nóvember 2011;
14. Kári, f. 4. júlí 1921, d. 27. febrúar 1924;
15. Guðríður Svala öryrki, f. 16. júlí 1922, d. 13. desember 2005;
16. Kári Þórir múrari í Reykjavík, f. 9. maí 1924, d. 10. maí 2009;
17. Karl, f. 24. júlí 1925, d. 16. febrúar 1935.

Svala var fædd andlega vanheil. Hún var með foreldrum sínum í Presthúsum, en faðir hennar lést er hún var þriggja ára.
Hún ólst upp með móður sinni og systkinum, en er þau fluttust að heiman var Svölu komið fyrir á Kleppjárnsreykjum í Reykholtsdal, síðan á Sólheimum í Grímsnesi, en að síðustu á Kópavogshæli.
Hún naut einnig umönnunar systkina sinna á heimilum þeirra.
Guðríður Svala lést 2005.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Morgunblaðið 21. desember 2005. Minning.
• Prestþjónustubækur.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---