Steingrímur Haraldsson (vélstjóri)
Steingrímur Viðar Haraldsson vélstjóri fæddist 5. ágúst 1950 í Eyjum.
Foreldrar hans voru Haraldur Steingrímsson rafvirki, f. 7. september 1923, d. 8. september 1989, og kona hans Þyrí Gísladóttir frá Arnarhóli, húsfreyja, talsímakona, f. 10. nóvember 1925, d. 1. maí 1992.
Börn Þyríar og Haraldar:
1. Steingrímur Viðar Haraldsson vélstjóri, verkstjóri, f. 5. ágúst 1950. Kona hans Alma Birgisdóttir hjúkrunarforstjóri.
2. Guðni Ásþór Haraldsson lögfræðingur, f. 26. júní 1954. Kona hans Stefanía Jónsdóttir skrifstofumaður.
Steingrímur var með foreldrum sínum í æsku, á Heiðarvegi 41 og í Reykjavík.
Hann lærði vélstjórn í Eyjum, nam 1. árið í Vélskólanum í Eyjum og lauk námi í Reykjavík 1972.
Steingrímur var vélstjóri, m.a. á Ísleifi IV., Vestmannaey, Herjólfi, Júní í Hafnarfirði.
Hann varð síðan verkstjóri við Áburðarverksmiðjuna í Gufunesi.
Þau Alma giftu sig 1973, eignuðust tvö börn. Þau bjuggu við Faxastíg, á Hásteinsvegi 15 og við Hrauntún. Þau bjuggu síðar í Garðabæ.
I. Kona Steingríms, (6. október 1973), er Alma Birgisdóttir húsfreyja, hjúkrunarfræðingur, hjúkrunarforstjóri og forstöðumaður hjá Hrafnistu, f. 2. mars 1951 í Reykjavík.
Börn þeirra:
1. Marý Björk Steingrímnsdóttir kerfisfræðingur, f. 25. janúar 1974, ógift og barnlaus.
2. Þyrí Halla Steingrímsdóttir lögfræðingur, f. 24. apríl 1976. Fyrrum maður hennar Einar Mar Þórðarson.
Heimildir
- Samantekt: Víglundur Þór Þorsteinsson.
- Hjúkrunarfræðingatal I-III. Hjúkrunarfélag Íslands 1969-1992.
- Íslendingabók.
- Prestþjónustubækur.
- Alma og Steingrímur.
Þessi grein tilheyrir Æviskrám Eyjafólks eftir Víglund Þór Þorsteinsson.