Sr. Böðvar Högnason

Úr Heimaslóð, Sögusetri Vestmannaeyja
Fara í flakk Fara í leit

Böðvar Högnason frá Árgilsstöðum í Hvolhreppi, prestur fæddist þar 24. júlí 1894 og lést 15. apríl 1835.
Foreldrar hans voru sr. Högni Stefánsson, síðar prestur í Eyjum og á Hrepphólum, f. 8. maí 1771, d. 24. september 1837, og kona hans Sigríður Böðvarsdóttir húsfreyja, f. í ágúst 1767, d. 9. desember 1844.

Börn Sigríðar og Högna;
1. Sr. Böðvar Högnason aðstoðarprestur á Hallormsstað, f. 24. júlí 1794, d. 15. apríl 1835 úr holdsveiki, ókv. og barnlaus.
2. Þórunn Högnadóttir húsfreyja í Móakoti á Vatnsleysuströnd, f. 1795, kona Guðmundar Guðmundssonar.
3. Stefán Högnason, f. 1799, d. úr holdsveiki 29. júní 1836, ókv. og barnlaus.
4. Hólmfríður Högnadóttir, f. 1801, d. 1845, óg. og barnlaus.
5. Sr. Jón Högnason prestur á Hrepphólum, f. 23. mars 1807, d. 23. júní 1879, kvæntur Kristínu Jónsdóttur húsfreyju frá Reykjadal.
6. Guðrún Högnadótttir húsfreyja að Laugum í Hrunamannahreppi, f. 16. ágúst 1808 á Árgilsstöðum í Hvolhreppi, d. 10. júní 1879. Hún var síðari kona Snorra Sveinbjörnssonar bónda á Laugum. Sambúðarmaður hennar Matthías Eyjólfsson.

Böðvar var með foreldrum sínum, á Árgilsstöðum, á Búastöðum 1808-1817, en hafði hlotið undirstöðunám hjá móðurbróður sínum sr. Guðmundi Böðvarssyni á Kálfatjörn á Vatnsleysuströnd, nam í Bessastaðaskóla 1818, varð stúdent þar 1824, var síðan eitt ár barnakennari í Arnarbæli í Ölfusi, var síðan hjá foreldrum sínum, en var skrifari hjá Isak (Jakob) Bonnesen sýslumanni á Velli á Hvolsvelli.
Böðvar vígðist 12. september 1830 aðstoðarprestur á Hallormsstað, síðan prestur þar frá 1830—1833, er prestakallið var veitt öðrum. Hann fór til föður síns og lést 1835 úr holdsveiki, ókv. og barnlaus.


Heimildir

  • Samantekt: Víglundur Þór Þorsteinsson.
  • Íslenzkar æviskrár. Páll Eggert Ólason og fleiri. Hið íslenzka bókmenntafélag 1948-1956.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.