Sigríður Sigurðardóttir (Uppsölum)

Úr Heimaslóð, Sögusetri Vestmannaeyja
Fara í flakk Fara í leit

Sigríður Sigurðardóttir húsfreyja á Uppsölum, fæddist 4. mars 1873 í Búðarhólshjáleigu í A-Landeyjum og lést 13. apríl 1956.
Foreldrar hennar voru Sigurður Guðmundsson bóndi á Lágafelli í A-Landeyjum, f. 13. ágúst 1842, d. 11. mars 1905 á Uppsölum í Eyjum, og kona hans Þórunn Sigurðardóttir húsfreyja á Lágafelli, f. 18. október 1839, d. 25. maí 1899.

Systir Sigríðar var Jórunn Sigurðardóttir vinnukona og barnfóstra á Löndum, f. 24. nóvember 1881, d. 8. júlí 1965.

Sigríður og Hreinn Þórðarson fluttust til Eyja 1898. Hún var húsfreyja í Sjólyst 1899, búandi ekkja á Uppsölum eystri í Eyjum 1901. Þar voru einnig Þórunn Sigríður Hreinsdóttir, dóttir hennar og Sigurður Guðmundsson faðir hennar.
Við manntal 1910 var hún gift húsfreyja á Uppsölum með Lofti Þogeirssyni manni sínum og dætrum þeirra Þóroddu Vigdísi og Svanhvíti og dóttur hennar Þórunni Sigríði. Þar voru einnig foreldrar Lofts, Þorgeir Magnússon og Málfríður Loftsdóttir.
Við manntal 1920 voru þau Loftur búandi á Uppsölum, ásamt Þórunni Sigríði dóttur hennar og Svanhvíti dóttur þeirra. Þá er Þórodda Vigdís vinnukona í Bræðraborg.

Sigríður á Uppsölum var tvígift:
I. Fyrri maður hennar, (8. maí 1898), var Hreinn Þórðarson á Uppsölum, f. 6. desember 1870, drukknaði við Bjarnarey 20. maí 1901.
Börn þeirra Hreins voru:
1. Þórunn Sigríður Hreinsdóttir, f. 4. nóvember 1899, d. 27. júlí 1923.
2. Hreinn Hreinsson, f. 9. maí 1901, d. 12. nóvember 1901.

II. Síðari maður hennar, (13. nóvember 1904), var Loftur Þogeirsson útvegsbóndi, sjómaður, verkamaður á Uppsölum, f. 18. október 1878, d. 23. desember 1964.
Börn þeirra:
3. Þórodda Vigdís Loftsdóttir húsfreyja í Bræðraborg, f. 12. ágúst 1905, d. 29. júlí 1986, gift Valdimar Ástgeirssyni málara frá Litlabæ.
4. Svanhvít Loftsdóttir húsfreyja, f. 1. september 1909, d. 18. febrúar 1988, gift Þórði Einarssyni sjómanni frá Stokkseyri, f. 31. mars 1906, drukknaði 1. mars 1928.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.