Reynir Sigurðsson (Brekastíg 19)

Úr Heimaslóð, Sögusetri Vestmannaeyja
Fara í flakk Fara í leit

Agnar Reynir Sigurðsson frá Brekastíg 19, verkamaður fæddist 5. ágúst 1933 á Goðafelli og lést 5. desember 1999.
Foreldrar hans voru Sigurður Einarsson frá Ysta-Skála u. Eyjafjöllum, sjómaður, kyndari, f. 29. nóvember 1904, drukknaði í Bretlandi 6. febrúar 1943, og kona hans Oddný Ólafía Eyjólfsdóttir frá Haraldsstöðum í Seyðisfirði, húsfreyja, f. 18. febrúar 1904 á Vestdalseyri þar, d. 18. september 1970.

Börn Ólafíu og Sigurðar:
1. Georg Sigurðsson verkamaður, f. 23. janúar 1930 á Borgarhól. Kona hans Ása Valtýsdóttir.
2. Eyrún Anna Sigurðardóttir, f. 21. júní 1931 á Borgarhóli, d. 9. júlí 1931.
3. Agnar Reynir Sigurðsson verkamaður, f. 5. ágúst 1933 á Goðafelli, d. 5. desember 1999. Fyrrum kona hans Eyrún Auðunsdóttir.

Reynir var með foreldrum sínum fyrstu níu ár ævinnar, en faðir hans drukknaði 1943. Móðir hans hélt heimili að Brekastíg 19 og þar bjuggu synir hennar hjá henni fram á fullorðinsár.
Þau Eyrún giftu sig 1955, eignuðust fjögur börn, bjuggu á Brekastíg 19 við fæðingu Sigurðar Frímanns 1956 og fæðingu Auðbjargar 1961 og 1964 við fæðingu Viktors Reynis, en bjuggu á Ofanleiti við fæðingu Jóhanns Reynis 1965.
Þau Eyrún skildu 1970.
Agnar Reynir bjó á Brekastíg 19 við Gos, fluttist til Reykjavíkur, bjó að síðustu á Suðurhólum 20 í Reykjavík.
Hann lést 1999.

I. Kona Agnars Reynis, (8. október 1955, skildu 1970), var Eyrún Auðunsdóttir frá Ysta-Skála u. Eyjafjöllum, húsfreyja, síðar starfsmaður á Landspíala, f. 26. ágúst 1935, d. 7. janúar 2004.
Börn þeirra:
11. Sigurður Frímann Reynisson sjómaður, bifreiðaviðgerðarmaður, smiður, f. 23. janúar 1956, d. 28. ágúst 2000. Fyrrum kona hans Halldóra Steinarsdóttir.
2. Auðbjörg Reynisdóttir hjúkrunarfræðingur, markþjálfi, býr á Spáni, f. 21. janúar 1961. Fyrrum maður hennar Einar Gautur Steingrímsson.
3. Viktor Þór Reynisson sjómaður, handíðamaður í Reykjavík, f. 10. febrúar 1964. Barnsmóðir hans Kristín Áslaug Magnúsdóttir. Kona Anna Kristín Kristófersdóttir.
4. Jóhann Reynisson verkamaður á Selfossi, f. 18. október 1965. Kona hans Ingibjörg Stefánsdóttir.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.