Lárus Ársælsson (Fögrubrekku)
Lárus Ársæll Ársælsson fæddist 9. maí 1914 og lést 13. ágúst 1990. Hann bjó í húsinu Kirkjuhvammi við Kirkjuveg 43.
Frekari umfjöllun
Lárus Ársæll Ársælsson frá Fögrubrekku forstjóri, útgerðarmaður fæddist 9. maí 1914 og lést 13. ágúst 1990.
Foreldrar hans voru Ársæll Sveinsson útgerðarmaður og kaupmaður, f. 31. desember 1893, d. 14. apríl 1969 og kona hans Laufey Sigurðardóttir húsfreyja, f. 2. september 1895, d. 16. ágúst 1962.
Börn Laufeyjar og Ársæls:
1. Lárus Ársæll, f. 9. maí 1914, d. 13. ágúst 1990.
2. Sveinn, f. 26. desember 1915, d. 3. febrúar 1968.
3. Guðrún Ársælsdóttir, f. 6. mars 1920, d. 21. september 1927.
4. Petrónella, f. 26. maí 1921, d. 30. október 2006.
5. Ásta Skuld Ársælsdóttir, f. 20. júní 1925, d. 6. mars 1928.
6. Ásta, f. 4. nóvember 1929, d. 2. nóvember 1977.
7. Leifur, f. 10. júlí 1931, d. 16. september 2017.
8. Guðný Lilja Ársælsdóttir, f. 22. apríl 1933.
9. Ársæll, f. 8. apríl 1936.
Lárus var með foreldrum sínum í æsku.
Börn Ársæls og Laufeyjar lögðu snemma gjörva hönd á rekstur foreldra sinna og var Lárus þar einna fremstur í flokki enda elstur. Hann lauk námi í Verslunarskóla Íslands og hóf síðan umsjón með atvinnurekstri föður síns, sem var fjölþættur, útgerð og fiskvinnsla, rekstur byggingavöruverslunar, rekstur skipasmíðastöðvar.
Þau Ágústa giftu sig 1935, eignuðust þrjú börn.Þau bjuggu í fyrstu í
Skálholti við Urðaveg, þá á Fífilgötu 5, en frá 1940 bjuggu þau í húsi sínu Kirkjuhvammi við Kirkjuveg 43.
Ágústa lést 1941, rúmum tveim mánuðum eftir síðast barnsburð sinn.
Lárus kvæntist Bergþóru 1948. Þau áttu ekki börn, en Bergþóra gekk börnum Lárusar í móðurstað.
Lárus lést 1990 og Bergþóra 2004.
Lárus var tvíkvæntur.
I. Fyrri kona hans, (6. júlí 1935), var Ágústa Gísladóttir verslunarmaður, húsfreyja, f. 24. maí 1914, d. 15. ágúst 1941.
Börn þeirra:
1. Sigríður Lárusdóttir húsfreyja í Eyjum og Reykjavík, f. 23. janúar 1936 í Skálholti.
2. Ársæll Lárusson rafvirkjameistari, f. 6. nóvember 1939 í Skálholti.
3. Ágústa Lárusdóttir húsfreyja, talsímakona, skrifstofumaður í Reykjavík, f. 10. júní 1941 á Kirkjuvegi 43, síðast í Kópavogi, d. 5. júlí 2017.
II. Síðari kona Lárusar, (24. júlí 1948), var Bergþóra Þórðardóttir húsfreyja, f. 24. mars 1924, d. 16. júlí 2004.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.