Katrín Ólafsdóttir (Áshól)

Úr Heimaslóð, Sögusetri Vestmannaeyja
Fara í flakk Fara í leit

Katrín Ólafsdóttir húsfreyja í Áshól fæddist 14. september 1892 á Lækjarbakka í Mýrdal og lést 6. nóvember 1929 á Vífilsstöðum.
Foreldrar hennar voru Ólafur Ólafsson bóndi á Lækjarbakka, f. þar 17. desember 1851, d. þar 28. apríl 1937, og fyrri kona hans Ingibjörg Jónsdóttir húsfreyja, f. 20. júlí 1851 í Norður-Hvammi í Mýrdal, d. 21. mars 1898 á Lækjarbakka.

Katrín var með foreldrum sínum fyrstu fimm ár sín, en þá lést móðir hennar. Hún var með föður sínum og stjúpmóður til 1910, var vinnukona í Vík í Mýrdal 1910-1913, fór þá til Eyja, en var aftur á Lækjarbakka 1917-1918, en fór þá að Hvammi u. Eyjafjöllum, en til Eyja flutti hún 1920 með Ásu, bjó þá í Garðsauka.
Þau Torfi giftu sig 1921, eignuðust fjögur börn. Þau bjuggu í fyrstu í Víðidal, þá í Breiðholti, en síðast í Áshól.
Katrín sýktist af berklum og lést á Vífilsstöðum 1929 og Torfi lést 1960.

ctr
Torfi ásamt börnum sínum.

I. Maður Katrínar, (24. desember 1921), var Torfi Einarsson sjómaður, skipstjóri, útgerðarmaður, síðar fiskimatsmaður (ragari), verkamaður í Áshól, f. 17. janúar 1889 í Varmahlíð u. Eyjafjöllum, d. 30. október 1960.
Börn þeirra:
1. Ása Torfadóttir húsfreyja, gjaldkeri, f. 1. október 1917 á Lækjarbakka í Mýrdal, d. 29. janúar 2009.
2. Einar Torfason skipstjóri, tollvörður, f. 22. apríl 1923 í Víðidal, d. 2. janúar 2015.
3. Björgvin Torfason starfsmaður Síldarútvegsnefndar, f. 7. ágúst 1925 í Breiðholti, d. 11. desember 1980.
4. Þórarinn Torfason stýrimaður, f. 30. september 1926 í Áshól, d. 10. október 1996.


Heimildir

  • Samantekt: Víglundur Þór Þorsteinsson.
  • Íslendingabók.
  • Prestþjónustubækur.
  • Vestur-Skaftfellingar 1703-1966. Björn Magnússon. Leiftur 1970-1973.


Þessi grein tilheyrir Æviskrám Eyjafólks eftir Víglund Þór Þorsteinsson.