Jóhanna Jósefína Erlendsdóttir (Ásbyrgi)
Teikning hennar-sjálfsmynd.
Jóhanna Jósefína Erlendsdóttir húsfreyja í Ásbyrgi fæddist 5. júlí 1888 og lést 3. september 1970.
Faðir hennar var Erlendur trésmíðameistari í Reykjavík, f. 11. nóvember 1852, d. 30. júlí 1933, Árnason bónda í Brekkukoti á Álftanesi, f. 11. október 1822, d. 22. október 1866, Jóhannssonar bónda í Arnarnesi (í núv. Garðabæ), f. 5. október 1776, d. 27. janúar 1841, Jónssonar, og konu Jóhanns í Arnarnesi (5. nóvember 1804), Þórunnar húsfreyju, f. 1783, d. 30. nóvember 1845, Árnadóttur.
Móðir Erlendar og kona Árna var Ingibjörg, á Grund í Auðkúlusókn, A-Hún. 1835 og 1845, húsfreyja í Brekkukoti á Álftanesi 1860, ekkja, húskona í Hjallakoti þar 1870, f. 8. janúar 1831, d. 13. janúar 1883, Guðmundsdóttir bónda á Grund 1845, f. 1777, d. 1856, Helgasonar, og annarrar konu (4. október 1822) Guðmundar Helgasonar, Bjargar húsfreyju á Grund 1835, f. 1787, d. 26. júní 1840, Ólafsdóttur.
Móðir Jóhönnu og kona Erlendar var Ágústa Hólmfríður Jóhanna Gustavsdóttir Ahrens, f. 22. júlí 1850, d. 24. nóvember 1933. Faðir hennar var Gustav Christian Joachim Ahrens smiður í Reykjavík, f. 1819, d. 20. júlí 1960
Móðir Ágústu Ahrens og kona Gustavs var Guðrún Guðlaugsdóttir Ahrens húsfreyja í Rvk 1860 og 1870, fór til Vesturheims 1878, ásamt Jósefínu Jósefsdóttur, dóttur sinni, f. 6. október 1822, Guðlaugsdóttir bónda á Fjalli í Sléttuhlíð og á Bæjarskerjum á Miðnesi, f. 1786, d. 10. febrúar 1830, drukknaði, Ólafssonar og konu Guðlaugs, Hólmfríðar húsfreyju, f. 1793 í Sléttuhlíð, d. 28. desember 1866, Sigurðardóttur.
Jóhanna Jósefína var með foreldrum sínum í Reykjavík 1901, var „aðkomandi“ á Breiðabliki í Eyjum 1910.
Hún var skráð húsfreyja í Ásbyrgi 1920 með manni og börnum.
Jóhnna var listhög. Liggja eftir hana teikningar, sem varðveist hafa hjá afkomendum hennar. Sýning á þeim var opnuð í Einarsstofu í Sagnheimum 10. janúar 2015 og verða sýndar aftur um hvítasunnu.
Jóhanna húsfreyja í Ásbyrgi var tvígift:
I. Fyrri maður hennar var Guðni Hjörtur Johnsen útgerðarmaður, kaupmaður og bjargveiðimaður, f. 15. júní 1888, d. 18. janúar 1921.
Börn Jóhönnu og Guðna voru:
1. Friðþjófur Ingi Guðnason Johnsen lögfræðingur, f. 21. júlí 1911, d. 20. apríl 1963.
2. Ágústa Sigríður Möller húsfreyja í Reykjavík, f. 26. júní 1913, d. 29. október 2007.
3. Erla Johnsen Guðnadóttir, f. 3. júlí 1916, d. 11. febrúar 1917.
4. Rögnvaldur Ólafur Johnsen húsameistari, f. 5. apríl 1920, d. 26. febrúar 2008.
II. Síðari maður Jóhönnu var Störker Hermansen, norskur maður, járnsmiður, pípulagningamaður, f. 19. febrúar 1888, d. 26. maí 1952. Hann hét áður Sterker Cedrup Hermansen.
Börn Jóhönnu og Störker Hermansen:
5. Guðni Agnar Hermansen listmálari, málarameistari, f. 28. mars 1928, d. 21. september 1989.
6. Sveinbjörn Lárus Hermansen skrifstofumaður, f. 13. desember 1930, d. 22. júní 1987.
7. Erla Ágústa Björg Hermansen húsfreyja, f. 10. maí 1934, d. 10. september 2012.
Störker Hermansen var ekkjumaður frá Noregi. Fyrri kona hans var Anna Bentine Hermansen. Hann tók til sín börnin frá fyrra hjónabandi og ólust þau upp í Eyjum.
Þau voru:
8. Anný Sofie Kristófersson , f. 12. apríl 1918, d. 25. nóvember 1965. Hún varð bóndi í Mið-Dal undir Eyjafjöllum, gift Högna Kristóferssyni bónda.
9. Margret Kristine (Gréta) Hermansen, f. 17. október 1920, d. 30. júlí 1991. Hún giftist breskum manni og bjó ytra.
10. Aubert Herman Hermansen, f. 26. maí 1922, d. 30. maí 1939, hrapaði í Flugum.
Heimildir
- Samantekt: Víglundur Þór Þorsteinsson.
- Ættir Austur-Húnvetninga. Guðmundur Sigurður Jóhannsson og Magnús Björnsson. Mál og mynd 1999.
- Jóhanna Guðnadóttir Hermansen.
- Manntöl.
- Íslendingabók.is.
Þessi grein tilheyrir Æviskrám Eyjafólks eftir Víglund Þór Þorsteinsson.