Hjörleifur Sveinsson (yngri)

Úr Heimaslóð, Sögusetri Vestmannaeyja
Fara í flakk Fara í leit

Sjá aðgreiningarsíðuna fyrir aðra sem hafa borið nafnið „Hjörleifur Sveinsson


Hjörleifur um borð í Jóni Vídalín VE-82.

Hjörleifur Sveinsson er fæddur 27. desember 1954. Foreldrar hans eru Sveinn Hjörleifsson og Aðalheiður Maggý Pétursdóttir.

Frekari umfjöllun

Hjörleifur Sveinsson yngri, sjómaður fæddist 27. desember 1954 og lést 18. ágúst 2019 á Landspítalanum.
Foreldrar hans voru Sveinn Hjörleifsson frá Skálholti, skipstjóri, útgerðarmaður, f. 1. ágúst 1927, d. 4. janúar 2004, og kona hans Aðalheiður Maggý Pétursdóttir frá Ólafsfirði, húsfreyja, f. 27. mars 1930, d. 26. september 2007.

Börn Aðalheiðar Maggýjar og Sveins:
1. Þóra Sigríður Sveinsdóttir húsfreyja, f. 27. september 1948. Maður hennar Henry Ágúst Erlendsson, látinn.
2. Þórey Sveinsdóttir húsfreyja, f. 1. september 1951. Maður hennar Einar Sveinbjörnsson, látinn.
3. Hjörleifur Sveinsson yngri, sjómaður, f. 27. desember 1954, d. 18. ágúst 2019. Fyrri konur hans Sigríður Lovísa Sigurðardóttir og Dagný Björt Konráðsdóttir.
4. Ólafur Pétur Sveinsson verkamaður, f. 30. maí 1958, d. 12. febrúar 2004, ókv.
5. Kristbjörg Sveinsdóttir húsfreyja, f. 21. maí 1965. Maður hennar Pétur Fannar Hreinsson.

Hjörleifur var með foreldrum sínum í æsku.
Hann stundaði sjómennsku, bjó í Sólhlíð 26, síðar á Foldahrauni 40A.
Þau Sigríður Lovísa giftu sig 1974, eignuðust eitt barn. Þau skildu. Hjörleifur og Dagný Björt giftu sig 1996, en skildu.

Hjörleifur var tvíkvæntur.
I. Fyrri kona hans, (7. desember 1974, skildu), er Sigríður Lovísa Sigurðardóttir, f. 27. ágúst 1955.
Barn þeirra:
1. Sveinn Hjörleifsson, f. 25. september 1976. Fyrrum sambúðarkona Ársól Margrét Ólafsdóttir. Fyrrum eiginkona Sigríður Guðbrandsdóttir. Sambúðarkona Sveins Þórunn Guðrún Friðriksdóttir.

II. Síðari kona Hjörleifs, (12. júlí 1996, skildu), Dagný Björt Konráðsdóttir.
Þau voru barnlaus.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.