Húnbogi Þorkelsson

Húnbogi Þorkelsson.

Húnbogi Þorkelsson fæddist í Vestmannaeyjum 7. janúar 1916 og lést 9. apríl 2002. Árið 1941 kvæntist hann Guðrúnu Svanlaugu Andersen.

Þau eignuðust sjö börn;

• Jóhann Peter Andersen, maki Erla Adólfsdóttir.
• Þorkell Húnbogason, maki Ingunn Elín Hróbjartsdóttir.
• Valur Andersen, maki Ingibjörg F. Bernódusdóttir.
• Eva Andersen, maki Sigurður G. Sigurjónsson.
• Bogi Andersen, maki Hilda Klara Þórisdóttir.
• Gunnar Andersen, maki Elísabet Ruth Guðmundsdóttir.
• Arnar Andersen, maki Ragnheiður H. Sigurkarlsdóttir.

Húnbogi, sem oftast var kallaður Bogi, lauk Barnaskóla Vestmannaeyja árið 1930, tók minna mótorvélstjórapróf 1938, lauk námi í Iðnskóla Vestmannaeyja 1956 og sveinspróf í vélvirkjun í Vélsmiðjunni Magna 1959. Hann fékk meistararéttindi í vélvirkjun 1962.

Bogi stundaði sjómennsku frá árinum 1938 til 1947, vann í Vélsmiðjunni Magna 1947-1959 og var síðan járniðnaðarmaður í Fiskimjölsverksmiðju Vestmannaeyja samfellt frá 1959 og þangað til hann lét af störfum 1993, þá 77 ára að aldri.

Bogi var virkur í íþróttum á sínum yngri árum og varð meðal annars glímukóngur Vestmannaeyja. Hann var einnig einn af bestu fjallamönnum Eyjanna og stundaði lundaveiðar og eggjatöku langt fram eftir aldri.

Bogi starfaði mikið með Íþróttafélaginu Þór og sat einnig í knattspyrnuráði ÍBV. Fyrir störf sín í þágu íþróttamála hlaut hann meðal annars Gullmerki KSÍ og Gullmerki ÍSÍ.

Myndir

• 
• 
• 
• 
• 
• 
• 
• 
• 
• 
• 
• 

---

Heimildir

• Elísabet Ruth Guðmundsdóttir. Sjómannadagsblað Vestmannaeyja. 2002.