Héðinn Svavarsson (sjúkraþjálfari)
Héðinn Svavarsson sjúkraþjálfari fæddist 21. janúar 1965 í Eskihlíð við Skólaveg 36.
Foreldrar hans Svavar Sigmundsson frá Nikhól við Hásteinsveg 38, húsasmíðameistari, f. 16. nóvember 1944, og Elín Bjarney Jóhannsdóttir frá Eskihlíð, húsfreyja, kaupmaður, bókari, f. 19. september 1944, d. 13. júlí 2021.
Börn Elínar og Svavars:
1. Héðinn Svavarsson sjúkraþjálfari í Reykjavík, f. 21. janúar 1965. Kona hans Jóna Guðrún Guðmundsdóttir.
2. Jóhanna Sigríður Svavarsdóttir húsfreyja, lærður kennari, rekur ásamt manni sínum hvalaskoðunarfyrirtæki á Húsavík, f. 11. janúar 1972. Maður hennar Stefán Guðmundsson.
3. Svavar Örn Svavarsson sjómaður, f. 26. maí 1976. Barnsmóðir hans Elísabet Hólm Júlíusdóttir. Sambúðarkona Sara Maria Pålson.
Héðinn var með foreldrum sínum, bjó hjá þeim í Hásteinsblokkinni til 1967, en síðan á Heiðarvegi 27a.
Hann lauk stúdentsprófi í Framhaldsskólanum í Eyjum 1985, B.Sc.-prófi í sjúkraþjálfun í Háskóla Íslands 1989, var í námi í Perth í Ástralíu og fékk Postgraduate Diploma in Manipulative Threpy 1993.
Svavar stundaði píanónám hjá FÍH og víðar.
Hann vann í Sjúkraþjálfaranum í Hafnarfirði 1989-1992 og í Sjúkraþjálfun Héðins í Mjódd frá 1993-2017. Hann hefur unnið hjá Ás sjúkraþjálfun frá 2017.
Þau Jóna giftu sig 1991, eignuðust þrjú börn. Þau búa í Reykjavík.
I. Kona Héðins, (21. september 1991), er Jóna Guðrún Guðmundsdóttir húsfreyja, f. 15. mars 1967 í Reykjavík. Foreldrar hennar Guðmundur Gíslason, f. 19. janúar 1941, og Erla Sigurjónsdóttir, f. 16. janúar 1942, d. 10. febrúar 2001.
Börn þeirra:
1. Guðmundur Þór Héðinsson rafvirki, f. 22. júní 1993. Kona hans Hildur Rut Hermannsdóttir.
2. Elín Harpa Héðinsdóttir, með B.A-póf í lögfræði, f. 17. apríl 1996. Maður hennar Torfi Þór Runólfsson.
3. Tómas Árni Héðinsson nemi í menntaskóla, f. 22. júní 2000. Maki hans Khushaali Shailendera.
Heimildir
- Samantekt: Víglundur Þór Þorsteinsson.
- Héðinn.
- Íslendingabók.
- Prestþjónustubækur.
- Sjúkraþjálfaratal. Ritstjórar: Steingrímur Steinþórsson, Ívar Gissurarson. Mál og mynd 2001.
Þessi grein tilheyrir Æviskrám Eyjafólks eftir Víglund Þór Þorsteinsson.