Guðmundur Svavar Guðmundsson (Ey)

Úr Heimaslóð, Sögusetri Vestmannaeyja
Fara í flakk Fara í leit

Guðmundur Svavar Guðmundsson frá Ey, sjómaður fæddist 29. apríl 1910 í Gerði og drukknaði 17. apríl 1932.
Foreldrar hans voru Guðmundur Guðmundsson sjómaður í Ey, f. 6. júlí 1864 á Kirkjubæ, d. 24. nóvember 1928, og kona hans Jórunn Ingileif Magnúsdóttir húsfreyja, f. 10. október 1883 í Presthúsum, d. 14. júlí 1962.

Börn Guðmundar föður hans og Málfríðar Erlendsdóttur vinnukonu í Frydendal voru:
1. Þórarinn Guðmundsson útgerðarmaður og formaður á Jaðri, f. 13. janúar 1893 í Frydendal, d. 30. maí 1975, kvæntur Jónasínu Runólfsdóttur.
2. Guðjón Guðmundsson skipstjóri, f. 27. september 1894 á Kirkjulandi í A-Landeyjum, fórst með togaranum Sviða 1941.
Börn Guðmundar föður Guðmundar Svavars og konu hans Jórunnar Ingileifar Magnúsdóttur:
3. Sigríður Magnúsína Guðmundsdóttir, f. 23. janúar 1906 í Mandal, d. 6. september 1975.
4. Guðmundur Svavar Guðmundsson, f. 29. apríl 1910 í Ási, drukknaði 17. apríl 1932.
5. Brynjólfur Gunnar Guðmundsson vélstjóri, f. 7. ágúst 1913 í Ey, d. 31. maí 1955.

Guðmundur Svavar var með móður sinni í Gerði við fæðingu, með foreldrum sínum á Hnausum síðari hluta árs 1910, í Ey 1920. Hann var með móður sinni í Ey 1930.
Guðmundur Svavar var skipverji á v.b. Atlantis VE 222, er hann féll fyrir borð og drukknaði 17. apríl 1932. Hann var ókvæntur og barnlaus.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.