Guðjón Karlsson (Sólheimatungu)
Guðjón Karlsson frá Bakkakoti á Seltjarnarnesi, sjómaður, vélstjóri, útgerðarmaður fæddist þar 27. nóvember 1901 og drukknaði 15. maí 1966.
Foreldrar hans voru Karl Guðmundur Ólafsson frá Bygggarði á Seltjarnarnesi, skipstjóri, f. 10. ágúst 1872, d. 18. júlí 1925, og kona hans Sigríður Jónsdóttir frá Brekkukoti í Reykholtsdal, Borg., húsfreyja, f. 29. ágúst 1874, d. 7. ágúst 1959.
Guðjón var tökubarn í Brekkukoti í Reykholtsdal hjá móðurföður sínum og -móður 1910, var hjá foreldrum sínum í Hafnarfirði 1920.
Hann flutti til Eyja 1925 frá Hafnarfirði, giftist Sigríði 1928. Þau eignuðust níu börn. Þau bjuggu í Sólheimatungu við Brekastíg 14 1930 og enn 1944, en fluttu til Reykjavíkur 1945, bjuggu lengst í Karfavogi 13.
Guðjón drukknaði 1966 úti í Cork á Írlandi, þegar hann var að sinna störfum sínum á ms. Ísborgu.
Kona hans, (29. september 1928), var Sigríður Markúsdóttir frá Valstrýtu í Fljótshlíð, húsfreyja, f. 26. september 1902, síðast í Reykjavík, d. 13. ágúst 1993.
Börn þeirra:
1. Karl Guðmundur Guðjónsson tollvörður, bjó í Svíþjóð, f. 21. nóvember 1928 í Sóheimatungu, d. 30. nóvember 2020. Kona hans Siv Karlsson.
2. Sjöfn Guðjónsdóttir, húsfreyja, f. 22. febrúar 1930 í Sólheimatungu. Maður hennar Steinar Magnússon.
3. Þórarinn Aðalsteinn Guðjónsson stýrimaður, f. 12. ágúst 1931 í Sólheimatungu. Kona hans Erla Jónasdóttir.
4. Rúnar Guðjónsson bóndi í Klauf í V.-Landeyjum, síðar á Hvolsvelli, f. 26. ágúst 1933 í Sólheimatungu, d. 20. maí 2017. Kona hans Hildur Ágústsdóttir.
5. Eygló Guðjónsdóttir, f. 12. febrúar 1935 í Sólheimatungu. Maður hennar Halldór Alexandersson.
6. Markús Sigurður Guðjónsson sjómaður, f. 15. janúar 1938 í Sólheimatungu, síðast í Fljótshlíð, d. 28. desember 1966.
7. Hrefna Guðjónsdóttir húsfreyja á Æsustöðum í Eyjafirði, f. 21. janúar 1940 í Sólheimatungu, d. 30. september 2006. Maður hennar Smári Steingrímsson.
8. Sigríður Guðjónsdóttir gjaldkeri, f. 16. júlí 1941 í Sólheimatungu. Maður hennar Jón Lárusson.
9. Garðar Guðjónsson, f. 20. ágúst 1942 í Sólheimatungu.
Heimildir
- Samantekt: Víglundur Þór Þorsteinsson.
- Íslendingabók.
- Manntöl.
- Morgunblaðið 22. ágúst 1993. Minning Sigríðar.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.