Birna Jóhannesdóttir (Kirkjulundi)
Birna Valgerður Jóhannesdóttir frá Kirkjulundi, húsfreyja, talsímakona fæddist 10. október 1937 í
Skálholti yngra við Urðaveg 43 og lést 22. október 2019.
Foreldrar hennar voru Jóhannes Brynjólfsson verslunarmaður, forstjóri, f. 20. september 1908 á Bólstað, d. 27. maí 1973, og kona hans Þórunn Alda Björnsdóttir húsfreyja, verslunarmaður, kaupmaður, f. 20. apríl 1915 á Kirkjulandi, d. 9. desember 2012.
Börn Öldu og Jóhannesar:
1. Lára Halla Jóhannesdóttir húsfreyja, talsímakona, f. 25. október 1935 á Kirkjulandi, d. 9. júní 2022. Maður hennar er Páll Sigurðarson vélvirki.
2. Birna Valgerður Jóhannesdóttir húsfreyja, talsímakona, f. 10. október 1937 á Urðavegi 43, Skálholti, d. 22. október 2019. Maður hennar var Jóhann Ingi Einarsson frá Götu, pípulagningameistari, látinn.
3. Guðbjörg Ásta Jóhannesdóttir húsfreyja, talsímakona, f. 8. apríl 1940 á Hásteinsvegi 5. Maður hennar er Sigurjón Adolf Bjarnason stórkaupmaður.
4. Jóhannes Sævar Brynjólfsson pípulagningameistari, slökkviliðsmaður, atvinnurekandi, umsjónarmaður, f. 15. júlí 1941 á Hásteinsvegi 5, d. 20. mars 2008. Kona hans var Ágústa Guðfinna María Ágústsdóttir sjúkraliði.
5. Brynjólfur Jóhannesson sjúkrahússstarfsmaður, f. 21. júní 1953 í Sjúkrahúsinu. Kona hans er María Björg Filippusdóttir húsfreyja, sjúkrahússstarfsmaður.
Birna var með foreldrum sínum í æsku, í Skálholti-yngra, á Hásteinsvegi 5 og í Kirkjulundi.
Hún stundaði nám í Húsmæðraskóla Reykjavíkur og húsmæðraskólanum í Brighton á Englandi.
Birna var talsímavörður hjá Landsímanum í Eyjum og síðar í Reykjavík.
Þau Ingi giftu sig 1963, eignuðust tvö börn. Þau bjuggu í fyrstu í Kirkjulundi, en á Fjólugötu 1 við Gos 1973.
Þau fluttu til Reykjavíkur, bjuggu þar, dvöldu á heimili fyrir aldraða, en að síðustu dvöldu þau í Hraunbúðum.
Birna lést 2019 og Jóhann Ingi 2021.
I. Maður Birnu, (11. maí 1963), var Jóhann Ingi Einarsson frá Götu, vélstjóri, pípulagningamaður, leigubílstjóri. f 29. febrúar 1940 í Nýborg, d. 17. október 2021 í Hraunbúðum.
Börn þeirra:
1. Alda Jóhanna Jóhannsdóttir húsfreyja í Eyjum, f. 10. október 1963. Maður hennar er Óskar Ólafsson.
2. Erna Sigríður Jóhannsdóttir húsfreyja, sálfræðingur í Reykjavík, f. 29. maí 1965. Fyrrum maður hennar er Gunnar Hólm Ragnarsson. Maður hennar Eggert Gottskálksson.
Heimildir
- Samantekt: Víglundur Þór Þorsteinsson.
- Íbúaskrá Vestmannaeyja 1972.
- Íslendingabók.
- Morgunblaðið 1. nóvember 2019. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.