Bergsteinn Jónasson (hafnarstjóri)
Bergsteinn Jónasson frá Múla, hafnarvörður, hafnarstjóri, yfirverkstjóri fæddist 17. desember 1912 á Múla og lést 2. júní 1996.
Foreldrar hans voru Jónas Jónsson frá Stóru-Tungu í Bárðardal, S.-Þing., útgerðarmaður, sjómaður, fiskimatsmaður á Múla, f. 6. júlí 1869, d. 28. nóvember 1951, og síðari kona hans Kristín Jónsdóttir frá Skála u. Eyjafjöllum, húsfreyja, f. 27. nóvember 1869, d. 10. september 1954.
Börn Kristínar og Jónasar:
1. Bergsteinn Jónasson hafnarvörður, f. 17. desember 1912, d. 2. júlí 1996.
2. Kjartan Jónasson, f. 17. desember 1912, d. 26. nóvember 1918.
Börn Jónasar og fyrri konu hans Margrétar Bjarnadóttur:
3. Jón Jónasson útgerðarmaður, verkamaður, fiskimatsmaður, f. 8. ágúst 1895 í Berjanesi u. Eyjafjöllum, d. 23. apríl 1970.
4. Kristján Jónasson vélstjóri, f. 28. júlí 1902 íHlíðarhúsi, d. 14. júlí 1976.
5. Karl Gunnar Jónasson loftskeytamaður, f. 28. febrúar 1905 á Múla, d. 25. júlí 1934.
Bergsteinn ólst upp með foreldrum sínum.
Hann tók snemma þátt í þróttum, einkum knattspyrnu og var snemma í forystusveit Þórs og þótti sérlega erfiður bakvörður andstæðingunum.
Bergsteinn varð hafnarvörður 1938 og frá 1942 var hann jafnframt yfirverkstjóri við verkefni, sem tengdust höfninni og hafnarstjóri.
Þau Svea giftu sig 1938, eignuðust fimm börn, en misstu eitt þeirra sólarhringsgamalt, og ólu upp eitt sonarbarn. Þau bjuggu á Múla í fyrstu, í Litlabæ um skeið, þá í Gefjun við Strandveg 42, en síðan á Múla. Við Gosið 1973 fluttust þau í Kópavog og áttu heimili á Reynigrund 51 til dánardægurs.
Bergsteinn vann störf sín í Eyjum til 1975.
Hann var síðan lagermaður hjá Skeljungi í Skerjafirði til 1987.
Svea lést í Eyjum 1994. Bergsteinn lést 1996.
I. Kona Bergsteins, (17. desember 1938), var Svea María Normann frá Hjalteyri við Eyjafjörð, f. 23. nóvember 1917, d. 26. júní 1994.
Börn þeirra:
1. Kjartan Þór Bergsteinsson, f. 15. september 1938 á Múla. Fyrri kona hans Ingibjörg Jóhanna Andersen. Síðari kona hans er Arndís Egilson.
2. Margrét Halla Bergsteinsdóttir, f. 9. október 1941 á Múla, d. 22. september 2012. Maður hennar var Sigurgeir Lindberg Sigurjónsson.
3. Stúlka, f. 28. ágúst 1945 í Litlabæ, d. 29. ágúst 1945.
4. Jónas Kristinn Bergsteinsson, f. 24. ágúst 1948 í Litlabæ. Kona hans er Þórhildur Óskarsdóttir.
5. Vilborg Bettý Bergsteinsdóttir, f. 7. desember 1950 í Gefjun, ógift.
Fósturdóttir þeirra, dóttir Kjartans sonar þeirra og Ingibjargar Andersen.
6. Kristín Kjartansdóttir, f. 23. október 1957 að Hásteinsvegi 27. Fyrrum maður hennar Guðmundur Elmar Guðmundsson.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Morgunblaðið 13.júlí 1996. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.