Anna Lilja Jónsdóttir

From Heimaslóð
Jump to navigation Jump to search

Anna Lilja Jónsdóttir frá Heimagötu 22, loftskeytamaður, myndskurðarmeistari, kennari fæddist 16. febrúar 1954.
Foreldrar hennar voru Jón Hjaltason frá Hólum í Nesjum, A.-Skaft., f. 7. maí 1927, d. 7. desember 2017, og kona hans Guðfinna Steinunn Bjarney Sigurðardóttir frá Rauðseyjum á Breiðafirði, húsfreyja, kennari, f. 10. apríl 1929, d. 12. nóvember 2022.

Barn Steinunnar og Arnar Gunnarssonar:
1. Ómar Arnarson tölvunarfræðingur, f. 31. ágúst 1950. Fyrrum kona hans Gróa Elma Sigurðardóttir.
Börn Steinunnar og Jóns Hjaltasonar:
2. Guðbjörg Ósk Jónsdóttir húsfreyja, f. 26. desember 1952. Maður hennar Hermann Einarsson.
3. Anna Lilja Jónsdóttir myndskurðarmeistari, kennari, f. 16. febrúar 1954. Maður hennar Brynjólfur Garðarsson.
4. Þorbergur Hjalti Jónsson skógfræðingur, f. 20. júní 1959. Fyrrum kona hans Anna Elín Bjarkadóttir. Kona hans Helga Skúladóttir.
Barn Jóns með Klöru Þorleifsdóttur, f. 25. júlí 1926, d. 30. janúar 2011.:
5. Dr. Þorleifur Jónsson málfræðingur, kennari, bókavörður, f. 14. maí 1948. Kona hans Halldóra Andrésdóttir.

Anna var með foreldrum sínum.
Hún varð stúdent í Menntaskólanum á Akureyri 1974, lauk loftskeytaprófi 1976, B.Ed.-prófi í Kennaraháskólanum 1980, stundaði framhaldsnámi í handmennt í sama skóla 1983, lauk símritaraprófi 1983, yfirsímritaraprófi 1985.
Hún lærði tréskurð í Skurðlistarskóla Hannesar Flosasonar, tók 55 námskeið á árunum 1977-1996, lærði myndskurð hjá Sveini Ólafssyni myndskera í kvöldskóla Iðnskólans í Reykjavík 1997-1999, lauk burtfararprófi í húsgagnasmíði í Iðnskólanum í Reykjavík í desember 1998 og í myndskurði í maí 1999, lauk sveinspróf í myndskurði árið 2000 og meistaraprófi í meistaraskólanum í Iðnskólanum í Reykjavík 2002, fékk meistarabréf í myndskurði 5. mars 2003.
Anna Lilja sótti fjögur vikunámskeið hjá ítalska myndhöggvaranum Rumerio Giuseppe á árunum 2006-2015, í skúlptúragerð og leirmótun fyrir útskurð.
Anna Lilja vann sumarið 1975 í fjarskiptastöðinni í Gufunesi, hóf þar aftur störf 1976 og vann þar að undanskildum vetrunum 1977-1980.
Hún var smíðakennari við Breiðholtsskóla 2006-2008, kenndi útskurð í félagsstarfi hjá Reykjavíkurborg 2004-2006, kenndi myndskurð í kvöldskóla Iðnskólans í Reykjavík 2007 og á námskeiðum í Tækniskólanum, skóla atvinnulífsins 2009-2017. Auk þess hefur hún haft á hendi útskurðarkennslu á nokkrum námskeiðum, m.a hjá Körlum í skúrum.
Anna Lilja er sjálfstætt starfandi myndskeri og kennari.
Hún hefur setið í stjórn F.Í.L frá 1981, ritari 1981-1984, og síðan gjaldkeri.
Hún var í varastjórn Heimilisiðnaðarfélags Íslands 1997-2002, gjaldkeri í stjórn félagsins 2002-2003 og aftur 2004-2007.
Anna Lilja sat í ritnefnd Brýnisins, fréttabréfs félags áhugamanna um tréskurð 2000-2008. Í stjórn félagsins frá nóvember 2008-febrúar 2015.
Anna Lilja tók þátt í „Artist Residency 2019“ að Kakalaskála í Skagafirði í mars/apríl, þar sem 14 listamenn frá 10 löndum unnu listaverk úr Þórðarsögu kakala.
Hún er sjálfstætt starfandi myndskeri og kennari.
Þau Brynjólfur giftu sig 2008.

I. Maður Önnu Lilju, (31. desember 2008), er Brynjólfur Garðarsson skipstjóri, f. 26. ágúst 1955. Foreldrar hans voru Garðar Jónsson skipstjóri, f. 21. maí 1931, d. 29. júlí 1986, og kona hans Sesselja Guðrún Brynjólfsdóttir húsfreyja, f. 5. janúar 1934, d. 16. ágúst 1956.
Þau eru barnlaus.



Heimildir

  • Samantekt: Víglundur Þór Þorsteinsson.
  • Anna Lilja.
  • Íslendingabók.
  • Loftskeytamenn og fjarskiptin, 1. Ritstjóri Ólafur K. Björnsson. Félag íslenskra loftskeytamanna; 1987.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.