Hafdís Sveinbjörnsdóttir (Reynivöllum)
Hafdís Sólveig Sveinbjörnsdóttir frá Reynivöllum við Kirkjuveg 66, húsfreyja fæddist 27. mars 1958 í Eyjum og lést 11. október 2000.
Foreldrar hennar voru Sveinbjörn Snæbjörnsson frá Tálknafirði, sjómaður, f. 25. ágúst 1920, d. 18. desember 1996, og kona hans Matthildur Þórunn Matthíasdóttir frá Byggðarenda við Brekastíg 15a, húsfreyja, f. 13. júní 1926, d. 6. nóvember 1986.
Börn Matthildar og Sveinbjörns:
1. Sigmar Þór Sveinbjörnsson, f. 23. mars 1946 á Byggðarenda. Hann var fóstraður hjá Þórunni ömmu sinni og Sigmari Guðmundssyni til 14 ára aldurs, en síðan hjá Gísla Sigmarssyni og Sjöfn Benónýsdóttur. Kona hans Kolbrún Ósk Óskarsdóttir.
2. Grétar Snæbjörn Sveinbjörnsson, býr í Noregi, f. 30. ágúst 1947. Kona hans Lilleba Sveinbjörnsson.
3. Guðbjartur Bjarki Sveinbjörnsson, (Guðbjartur Michael Hemlys), býr í Noregi, f. 14. júní 1951. Kona hans Hjördís Sveinbjörnsson.
4. Hafdís Sólveig Sveinbjörnsdóttir, f. 27. mars 1958, d. 11. október 2000. Fyrrum sambýlismaður hennar Magnús Már Vilhjálmsson. Fyrrum maður hennar Ólafur Kristinsson. Maður Hafdísar Guðni Hjartarson.
5. Þórunn Sveins Sveinsdóttir (Cassandra C. Siff Sveinsdóttir), f. 18. ágúst 1960. Fyrri maður Hjörtur R. Jónsson. Síðari maður Peter Skov Andersen. Hún býr í Danmörku. Hún varð kjörbarn Sveins bróður Matthildar.
Hafdís var með foreldrum sínum í æsku, á Reynivöllum.
Þau Magnús hófu búskap, eignuðust eitt barn, en skildu.
Þau Ólafur giftu sig 1977, eignuðust eitt barn. Þau bjuggu í Eyjum og í Miðkoti í Þykkvabæ 1980-1985. Þau skildu.
Þau Guðni giftu sig 1995, bjuggu við Boðaslóð 3.
Hafdís Sólveig lést 2000.
I. Sambúðarmaður Hafdísar, skildu, er Magnús Már Vilhjálmsson verkstjóri í Rvk, f. 11. nóvember 1958. Foreldrar hans Vilhjálmur Frímann Magnússon verkstjóri á Egilsstöðum, f. 31. júlí 1937, d. 18. janúar 1998, og kona hans Oddrún Valborg Sigurðardóttir húsfreyja, afgreiðslumaður, símadama, matráður, f. 3. janúar 1928, d. 24. apríl 2012.
Barn þeirra:
1. Vilhjálmur Magnússon markaðsstjóri í Kópavogi, f. 22. október 1975. Sambúðarkona hans Ólöf Ingunn Björnsdóttir.
II. Maður Hafdísar, (10. apríl 1977, skildu), er Ólafur Kristinsson frá Dísukoti í Þykkvabæ, bóndi í Miðkoti III þar, f. 19. nóvember 1958.
Barn þeirra:
2. Kolbrún Ósk Ólafsdóttir, f. 24. ágúst 1977 í Eyjum, d. 14. október 2002.
III. Maður Hafdísar, (1995), er Guðni Hjartarson verkamaður, f. 8. nóvember 1961. Þau bjuggu við Boðaslóð 3.
Heimildir
- Samantekt: Víglundur Þór Þorsteinsson.
- Holtamannabók III – Djúpárhreppur. Valgeir Sigurðsson og fleiri. Ritstjórn: Ragnar Böðvarsson. Rangárþing ytra 2010.
- Íslendingabók.
- Morgunblaðið 31. október 2000. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.