Ingibjörg Hreinsdóttir (Garðstöðum)

Ingibjörg Hreinsdóttir húsfreyja á Garðsstöðum og Eiðum fæddist 13. janúar 1854 og lést 18. nóvember 1922.
Foreldrar hennar voru Hreinn Jónsson í Brandshúsi, sem fórst með þilskipinu Hansínu í mars 1863, og kona hans Sigríður Ólafsdóttir.

Ingibjörg giftist Jóni Einarssyni sjómanni og formanni á Garðsstöðum 1882, en hann lést 1906.

Börn Jóns og Ingibjargar voru:
1. Sigríður. Hún fór til til Vesturheims 1904, 21 árs með manni sínum, Kristjáni Sæmundssyni 29 ára og nýfæddum syni þeirra, Jóni Kristjánssyni.
2. Jónína, fædd 11. ágúst 1885, dáin 3. mars 1957, kona Kristmanns Þorkelssonar. Þau bjuggu í Steinholti.

Jón Ingvi Þorkelsson.

Þau voru foreldrar Karls og Inga Kristmanns og Júlíönu konu Kristjáns Magnússonar málarameistara frá Dal, Þórðarsonar skipstjóra.
Jón Einarsson og Ingibjörg voru meðal útflytjenda frá Garðsstöðum til Vesturheims 1905, hann 50 ára, hún 51 árs. Ljóst er, að það breyttist. Hann lést á næsta ári.

Við manntal 1910 var hjá Ingibjörgu húsfreyju á Eiðum Sigríður Ingibjörg Kristjánsdóttir dótturdóttir hennar, f. 20. mars 1907 í Ameríku; hafði komið á fæðingarári sínu til Eyja. Hún er ljóslega dóttir Sigríðar Jónsdóttur og Kristjáns Sæmundssonar frá Vilborgarstöðum.
Hjá henni var einnig hálfsystursonur hennar Jón Ingvi Þorkelsson, síðar leikhúsmaður. (Sjá Blik 1965: Yngvi Þorkelsson).
Hann hafði komið til hennar 1902, (svo á mt 1910), f. 23. apríl 1903, d. 4. júní 1953, sonur Jóhönnu Sigríðar dóttur Sigríðar Ólafsdóttur í Brandshúsi og Guðmundar Ögmundssonar í Batavíu.

---

Heimildir

• Samantekt: Víglundur Þór Þorsteinsson.
• Árni Árnason.
• Saga Vestmannaeyja. Sigfús M. Johnsen. Ísafoldarprentsmiðja h.f. 1946.
• Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.
• Blik 1965: Yngvi Þorkelsson.
• Manntöl.
• Íslendingabók.is.