Guðríður Sigurðardóttir (Búastöðum)

Guðríður Sigurðardóttir frá Búastöðum fæddist 13. ágúst 1867og lést 1918.
Foreldrar hennar voru Sigurður Torfason sjávarbóndi og hreppstjóri á Búastöðum, f. 14. febrúar 1822, d. 18. apríl 1870, og kona hans Guðríður Jónsdóttir húsfreyja, f. 6. ágúst 1829, d. 15. ágúst 1867.

Móðir Guðríðar lést tveim dögum eftir að hún fæddist og faðir hennar lést 1870, er hún var 3 ára.
Hún var niðursetningur á Löndum 1870 hjá Helgu Árnadóttur húsfreyju og Sveini Þórðarsyni beyki, léttastúlka í Jómsborg 1880, vinnukona í Batavíu við fæðingu Sigurðar 1888 og enn 1890, í Elínarhúsi 1891 og þar var Sigurður Brandsson vinnumaður, á Vilborgarstöðum 1892 og 1893.
Guðríður eignaðist Sigríði á Vilborgarstöðum 1893 og fór til Seyðisfjarðar 1894, en barnið var tökubarn í Svaðkoti. Hún var hjú á Hallfreðarstöðum á Héraði 1901, lést 1918.

I. Guðríður eignaðist barn með Helga Eyjólfi Jónssyni verslunarstjóra í Garðinum, síðar, bankaritara í Reykjavík, f. 31. október 1852, d. 6. júní 1905.
Barnið var
1. Sigurður Helgason sjómaður í Götu f. 11. desember 1888 í Batavíu, d. 24. júlí 1935, hrapaði úr Miðkletti.

II. Barnsfaðir hennar var Sigurður Brandsson frá Markhól á Rangárvöllum, f. 18. september 1864. Hann fór til Utah frá Elínarhúsi 1892, áður en Sigríður fæddist.
Barn þeirra var
2. Sigríður Sigurðardóttir, f. 12. janúar 1893. Hún fór til Ameríku 1904.

---

Heimildir

• Samantekt: Víglundur Þór Þorsteinsson.
• Íslendingabók.is.
• Manntöl.
• Rangvellingabók. Valgeir Sigurðsson. Rangárvallahreppur, Hellu 1982.

---

Þessi grein tilheyrir Æviskrám Eyjafólks eftir Víglund Þór Þorsteinsson.

---