Filippus Hjaltason (Nöjsomhed)
Filippus Hjaltason vinnumaður á Gjábakka fæddist 12. maí 1820 í Skarðshjáleigu í Mýrdal og lést 15. maí 1847 á Gjábakka.
Foreldrar hans voru Hjalti Filippusson bóndi í Skarðshjáleigu í Mýrdal, f. 1781, d. 16. janúar 1825 í Skarðshjáleigu, og kona hans Gyðríður Sveinsdóttir húsfreyja, síðar á Vesturhúsum, f. 1785, d. 3. janúar 1859 á Vesturhúsum.
Systkini Filippusar í Eyjum voru:
1. Sveinn Hjaltason bóndi og lóðs á Vesturhúsum, f. 3. desember 1815, d. 23. júní 1879.
2. Sigríður Hjaltadóttir vinnukona í Nýjabæ, f. 9. ágúst 1818, d. 9. desember 1880.
3. Eyjólfur Hjaltason á Löndum, sjávarbóndi, bókbindari í Kornhól, f. 19. desember 1821.
4. Björn Hjaltason vinnumaður, sjómaður, f. 10. júní 1823, drukknaði 26. mars 1842.
Hálfbræður Filippusar, synir Gyðríðar og Þorkels Jónssonar síðari manns hennar:
5. Jón Þorkelsson vinnumaður á Vesturhúsum, tómthúsmaður í Grímshjalli, f. 18. september 1826, d. 10. september 1864.
6. Guðmundur Þorkelsson vinnumaður á Vesturhúsum, f. 2. mars 1828, d. 7. mars 1859.
Filippus var með foreldrum sínum í Skarðshjáleigu, líklega til ársins 1825, var tökubarn og síðan vinnumaður á Skeiðflöt þar til 1845.
Hann fluttist til Eyja 1845 og var vinnumaður í Nöjsomhed við manntal á því ári.
Við sóknarmannatal 1846 var hann vinnumaður hjá Sveini bróður sínum á Gjábakka og þar lést hann 1847.
Heimildir
- Samantekt: Víglundur Þór Þorsteinsson.
- Manntöl.
- Prestþjónustubækur.
- Vestur-Skaftfellingar 1703-1966. Björn Magnússon. Leiftur 1970-1973.