Guðmundur Árnason Guðmundsson
Guðmundur Árnason Guðmundsson, skipstjóri fæddist 22. maí 1912 á Bjargi í Setbergssókn á Snæfellsnesi og drukknaði 14. desember 1935.
Foreldrar hans voru Guðmundur Árnason frá Björnskoti u. Eyjafjöllum, f. 13. mars 1880, drukknaði 14. september 1911, og Kristjana Þorsteinsdóttir, frá Gröf í Setbergssókn, lausakona í Langa-Hvammi 1934, f. 5. maí 1879, d. 2. ágúst 1949.
Guðmundur var skipstjóri á Loka VE. Hann drukknaði í höfninni á leið út í bátinn 1935.
Þau Sigríður hófu sambúð, eignuðust eitt barn. Þau bjuggu á Kanastöðum við Hásteinsveg 22.
I. Sambúðarkona Guðmundar var Hálfdanía Sigríður Kristjánsdóttir, frá Blómsturvöllum á Eskifirði, húsfreyja, f. 16. júlí 1909, d. 22. júní 2000.
Barn þeirra:
1. Guðmundur Helgi Guðmundsson, f. 4. september 1935 á Kanastöðum, hrapaði til bana 15. maí 1953.
Heimildir
- Samantekt: Víglundur Þór Þorsteinsson.
- Heimaslóð.
- Íslendingabók.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.