Jens Klog
Jens Klog verslunarstjóri á Kornhólsskansi fæddist um 1778 og lést 1811.
Foreldrar hans voru Hans Jensen Klog kaupmaður í Eyjum, síðar í Danmörku og kona hans Abelone Klog, fædd Holm, húsfreyja.
Börn Abelone og Hans Klogs hér:
Þau voru:
1. Ingeborg Klog húsfreyja, f. 1766.
2. Tómas Klog, sem varð landlæknir að Nesi við Seltjörn, fæddur 15. apríl 1768 í Eyjum og lézt 31. janúar 1824 í Nyköbing á Falstri. Hann var skipaður landlæknir 25. maí 1804 og veitt lausn 23. júní 1815.
3. Karen Klog, f. 1769 í Eyjum. Maður hennar Soren Jorgensen Hee.
4. Jens verzlunarstjóri í Eyjum (1801), f. 1778.
5. Anna Soffía.
Jens Klog var verslunarstjóri við Garðsverslun í umboði föður síns um skeið á síðustu árum 18. aldar og var enn í Kornhólskansi 1801. Hann fluttist til Reykjavíkur og ,,stóð fyrir enskri höndlun í Reykjavík, og drakk sér til bana,‘‘ segir Espólín.
Heimildir
- Samantekt: Víglundur Þór Þorsteinsson.
- Íslands árbækur í söguformi, (Árbækur Espólins), 1-13. Jón Espólín sýslumaður. Kaupmannahöfn 1821-1855 (ljóspr. Rvk 1943-1947).
Þessi grein tilheyrir Æviskrám Eyjafólks eftir Víglund Þór Þorsteinsson.